ସାଧାରଣତଃ ଦୂବଘାସ ଆମେ ସବୁଠାରେ ଦେଖିଥାଉ। ପୂଜା-ପର୍ବରେ ଏହା ଏକ ମୁଖ୍ୟ ସାମଗ୍ରୀ ଭାବେ ମଧ୍ୟ ବ୍ୟବହୃତ ହୋଇଥାଏ। ହେଲେ ଆପଣ ଜାଣନ୍ତି କି, ଦୂବଘାସର ମଧ୍ୟ ବହୁ ଔଷଧୀୟ ଗୁଣ ରହିଛି? ଆୟୁର୍ବେଦରେ ଏହାକୁ ଅନେକ ପ୍ରକାର ଔଷଧ ଭାବେ ବ୍ୟବହାର କରାଯାଏ। ତେବେ ଚାଲନ୍ତୁ ଜାଣିବା ଦୂବଘାସର ଔଷଧୀୟ ଗୁଣ ବିଷୟରେ –
– ଯେଉଁମାନଙ୍କ ଆଲର୍ଜି ଯୋଗୁଁ ଶରୀର କୁଣ୍ଡେଇ ହୁଏ, ସେମାନେ ଦୂବଘାସକୁ ବାଟି ତା’ର ରସକୁ ରାଶି ତେଲ ସହ ସିଶାଇ ଲଗାଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ।
– ଦୂବଘାସକୁ ବାଟି ତା’ର ରସ ସହ ମହୁ ମିଶାଇ ପିଇବା ଦ୍ୱାରା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ।
– ଦୂବ ରସ ସହ ହଳଦୀ ମିଶାଇ ମୁହଁରେ ଲଗାଇବା ଦ୍ୱାରା ମୁହଁରୁ ଦାଗ ଦୂର ହୋଇିଥାଏ। ଏଥିସହିତ ଦୂବଘାସ ରସକୁ ମୁହଁରେ ଲଗାଇବା ଦ୍ୱାରା ଚର୍ମ କୁଞ୍ଚନ ମଧ୍ୟ ଦୂର ହୋଇ ମୁହଁ ଚିକ୍କଣ ଦେଖା ଯାଇଥାଏ।
– କିଛିଦିନ ଦୂବ ରସ ସହ ମହୁ ମିଶାଇ ପିଇବା ଦ୍ୱାରା ଏହା ଆପଣଙ୍କୁ ଆଣ୍ଠୁ-ଗଣ୍ଠି ଦରଜରୁ ମୁକ୍ତି ଦେଇଥାଏ। ଏଥିସହିତ ଏହାର ରସକୁ ତେଲ ଭଳି ଆଣ୍ଠୁରେ ମାଲିସ କରିବା ଦ୍ୱାରା ମଧ୍ୟ ଯନ୍ତ୍ରଣାରୁ ମୁକ୍ତି ମିଳେ।
– ଏହି ରସକୁ ମହୁ ସହ ମିଶାଇ ପିଇବା ଦ୍ୱାରା ରକ୍ତଚାପ ନିୟନ୍ତ୍ରଣରେ ରହିଥାଏ।