କେଶ ଅମ୍ବାନୀଙ୍କ ପ୍ରଯୋଜନାରେ ବଲିଉଡର ସବୁଠୁ ବ୍ୟବୟବହୁଳ ଚଳଚ୍ଚିତ୍ର ‘ମହାଭାରତ’ର ସୁଟିଂ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି ବୋଲି ଶୁଣାଯାଉଛି। ଏହି ଚଳଚ୍ଚିତ୍ରର ମୁଖ୍ୟ ସୂତ୍ରଧାର ଦାୟିତ୍ବରେ ଅଛନ୍ତି ବଲିଉଡର ଶ୍ରୀମାନ୍ ପରଫେକ୍ସନିଷ୍ଟ ଅମୀର ଖାନ୍।
ମିଳିଥିବା ଖବର ଅନୁସାରେ ଅମୀର ଏଥିରେ କୃଷ୍ଣ ଭୂମିକାରେ ଅବତୀର୍ଣ୍ଣ ହୋଇପାରନ୍ତି। ତେବେ ମହାଭାରତର ଅନ୍ୟତମ ମୁଖ୍ୟ ଚରିତ୍ର ଦ୍ରୌପଦୀ ନିମନ୍ତେ ଦୀପିକା ପାଦୁକୋନଙ୍କୁ ପ୍ରସ୍ତାବ ଦିଆଯାଇଛି। ପୂର୍ବରୁ ଐତିହାସିକ ଚଳଚ୍ଚିତ୍ରରେ ଅଭିନୟ ପାଇଁ ବିବାଦରେ ଛନ୍ଦି ହୋଇପଡ଼ିଥିବା ଦୀପିକା ଏହି ଚରିତ୍ର ନିମନ୍ତେ ବର୍ତ୍ତମାନ ପର୍ୟ୍ୟନ୍ତ ସମ୍ମତି ଜଣାଇନାହାନ୍ତି। ଏହା ବାଦ୍ ଅନ୍ୟ ଏକ ଅସୁବିଧା ହେଉଛି ଦୀପିକାଙ୍କ ବିବାହ।
ମହାଭାରତର ଚରିତ୍ର ନିମନ୍ତେ ଦୀପିକା ଚୁକ୍ତି କଲେ ତାଙ୍କ ବିବାହ ୨ ବର୍ଷ ପର୍ୟ୍ୟନ୍ତ ଘୁଞ୍ଚିବାର ଆଶଙ୍କା ରହିଛି। ଏଣୁ ଦ୍ରୌପଦୀ ଚରିତ୍ର ନିମନ୍ତେ ସେ ହଁ କହିବେ କି ନାହିଁ, ସେ ନେଇ ବର୍ତ୍ତମାନ ପର୍ୟ୍ୟନ୍ତ କିଛି ସ୍ପଷ୍ଟ ହୋଇନାହିଁ। ହଜାରେ କୋଟିର ବଜେଟରେ ଏହି ଚଳଚ୍ଚିତ୍ର ନିର୍ମାଣ ହେବାର ଯୋଜନା ରହିଛି।
