ନୂଆଦିଲ୍ଲୀ : କେନ୍ଦ୍ର ସରକାର ଇତିମଧ୍ୟରେ ଦୂରଦର୍ଶନ ଲୋଗୋର ରଙ୍ଗକୁ ପରିବର୍ତ୍ତନ କରିଥିବାବେଳେ ଏହାକୁ କେନ୍ଦ୍ରକରି ବିରୋଧୀ ଦଳଗୁଡିକ ପ୍ରତିକ୍ରିୟାଶୀଳ ହୋଇପଡିଛନ୍ତି। ପୂର୍ବରୁ ଦୂରଦର୍ଶନ ଲୋଗୋ ଲାଲରଙ୍ଗ ଥିବାବେଳେ ବର୍ତ୍ତମାନ ଏହା ଗୈରିକ ରଙ୍ଗକୁ ପରିବର୍ତ୍ତନ କରାଯାଇଛି। ବର୍ତ୍ତମାନ ଲୋକସଭା ନିର୍ବାଚନ ଚାଲିଥିବାବେଳେ ହଠାତ୍ ଦୂରଦର୍ଶନ ଲୋଗୋର ରଙ୍ଗକୁ କାହିଁକି ପରିବର୍ତ୍ତନ କରାଗଲା, ସେଥିନେଇ ବିରୋଧୀ ଦଳଗୁଡିକ ପ୍ରଶ୍ନ କରିଛନ୍ତି। ବିଜେପି ଦଳୀୟ ପତାକା ରଙ୍ଗ ଗୈରିକ ହୋଇଥିବାବେଳେ ସରକାର ଜାତୀୟ ଗଣମାଧ୍ୟମର ଲୋଗୋକୁ ଏହି ରଙ୍ଗରେ ପରିଣତ କରି ଜନସାଧାରଣଙ୍କୁ ବିଭ୍ରାନ୍ତ କରୁଥିବା ବିରୋଧୀ କହିଛନ୍ତି। ଦୂରଦର୍ଶନ ଲୋଗୋ ରଙ୍ଗ ବଦଳାଇବା ବେଆଇନ ବୋଲି ତୃଣମୂଳ କଂଗ୍ରେସ ମୁଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ବର୍ତ୍ତମାନ ଲୋକସଭା ନିର୍ବାଚନ ପରିପ୍ରେକ୍ଷୀରେ ଆଚରଣ ବିଧି ଲାଗୁ ହୋଇସାରିଥିବାବେଳେ ନିର୍ବାଚନ କମିସନ କିପରି ଏପରି ନିଷ୍ପତ୍ତିକୁ ଅନୁମତି ଦେଇଛନ୍ତି ବୋଲି ମମତା ପ୍ରଶ୍ନ ଉଠାଇଛନ୍ତି। ଅପରପକ୍ଷରେ ସରକାରଙ୍କ ଏଭଳି ନିଷ୍ପତ୍ତିକୁ ଦୂରଦର୍ଶନ ଓ ପ୍ରସାର ଭାରତୀର ପୂର୍ବତନ ମୁଖ୍ୟ କାର୍ଯ୍ୟନିର୍ବାହୀ ଜବାହାର ସରକାର ସମାଲୋଚନା କରିଛନ୍ତି।
Popular Categories
Previous article
Next article