ସାଧାରଣତଃ ଆମେ ସମସ୍ତେ ଚାହାନ୍ତି ଯେ ଆମ ଦିନର ଆରମ୍ଭ ଭଲ ହେଉ ଓ ପୁରା ଦିନ ଭଲରେ କଟୁ। ହେଲେ ଦିନର ଆରମ୍ଭରୁ ଅଜଣାତରେ କରୁଥିବା ଆମର କିଛି ଭୁଲ୍ ପାଇଁ ଆମର ସମ୍ପୂର୍ଣ୍ଣ ଦିନ ଖରାପ ବା ଅଶୁଭ ହୋଇଯାଏ। ଯଦ୍ବାରା କାର୍ୟ୍ୟରେ ଅସଫଳ ହେବା ସହ ଅନେକ ସମସ୍ୟା ଦେଖା ଦେଇଥାଏ। ତେବେ ଚାଲନ୍ତୁ ଜାଣିବା ଆମେ ସକାଳୁ କରୁଥିବା ସେହି ସବୁ ଭୁଲ୍ ବିଷୟରେ ଯାହାଦ୍ବାରା ଆମର ସମ୍ପୂର୍ଣ୍ଣ ଦିନ ଖରାପ ହୋଇଯାଏ –
ଅଧିକାଂଶ ଲୋକେ ସକାଳୁ ଉଠିବା ସମୟରେ ଦର୍ପଣ ଦେଖିଥାନ୍ତି, ମାତ୍ର ସେମାନେ ଜାଣି ନଥାନ୍ତି ଯେ ଏପରି କରିବା ବହୁତ ଅଶୁଭ ହୋଇଥାଏ। ବାସ୍ତୁଶାସ୍ତ୍ର ଅନୁସାରେ, ସକାଳୁ ଉଠି ଦର୍ପଣ ଦେଖିବା ଅନୁଚିତ। ଏହାଦ୍ବାରା ପୁରାଦିନ ଆପଣଙ୍କ ଉପରେ ନକରାତ୍ମତ ଶକ୍ତିର ପ୍ରଭାବ ପଡ଼ିଥାଏ।
ସେହିପରି ସକାଳୁ ଆଖି ଖୋଲିବା ସମୟରେ କାହାର ଚେହେରା ମଧ୍ୟ ଦେଖିବା ଅନୁଚିତ। ଦିନଟି ଭଲରେ ଆରମ୍ଭ କରିବା ପାଇଁ ସକାଳୁ ଆଖି ଖୋଲିବା ସମୟରେ ପ୍ରଥମେ ନିଜର ଇଷ୍ଟ ଦେବତାଙ୍କୁ ଧ୍ୟାନ କରନ୍ତୁ। ଏପରି କରିବା ଦ୍ବାରା ଆପଣଙ୍କର ଆତ୍ମବିଶ୍ବାସ ବଢିଥାଏ ଓ ଦିନ ଭଲରେ କଟିଥାଏ।
ସକାଳୁ ଉଠି ମନ୍ଦିରର ଘଣ୍ଟି ବା ଶଙ୍ଖ ଧ୍ବନି ଶୁଣିବା ଦ୍ବାରା ଶରୀରରେ ସକରାତ୍ମକ ଶକ୍ତି ସଞ୍ଚାର ହୋଇଥାଏ। ଏହା ବ୍ୟତୀତ ସକାଳୁ ନଡ଼ିଆ, ଶଙ୍ଖ, ଫୁଲ ଆଦି ଦେଖିବା ବହୁତ ଶୁଭ ହୋଇଥାଏ।
ସକାଳୁ କୌଣସି କାମ ପାଇଁ ବାହାରିବା ସମୟରେ ଯଦି ଆପଣ କିଛି ସଫା କାର୍ଯ୍ୟ କରୁଥିବା ବ୍ୟକ୍ତିଙ୍କୁ ଦେଖନ୍ତି ତେବେ ଏହା ଆପଣଙ୍କ ପାଇଁ ଶୁଭ ହୋଇଥାଏ।
ସକାଳୁ ଜଳଖିଆ ସେବନ କରିବା ସମୟରେ କୌଣସି ପଶୁର ନା ନେବା ଅନୁଚିତ। ଏହା କରିବା ଦ୍ବାରା ଆପଣଙ୍କ ଦିନଟି ଖରାପ ହୋଇଥାଏ।
ସକାଳୁ ଧଳା ଗାଈ ଦେଖିବା ଶୁଭ ହୋଇଥାଏ।
