ୱାଶିଂଟନ: ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋସେଫ ଆର. ବାଇଡେନଙ୍କ ଶପଥ ଗ୍ରହଣ ଉତ୍ସବ ଭାରତୀୟ ସମୟ ରାତି ପ୍ରାୟ ସାଢ଼େ ୮ଟାରୁ ଆରମ୍ଭ ହୋଇଛି। ରାତି ୧୦ଟାରେ ବାଇଡେନ ଦେଶର ୪୬ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ। ତେବେ ଏହା ପୂର୍ବରୁ ବିଦାୟୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ବାଇଟ୍ ହାଉସ ଛାଡ଼ିଛନ୍ତି। ହ୍ବାଇଟ୍ ହାଉସ ଛାଡ଼ିବା ପୂର୍ବରୁ ଟ୍ରମ୍ପ ନିଜର ଶେଷ ଅଭିଭାଷଣ ରଖିବା ସହିତ ନୂଆ ରାଷ୍ଟ୍ରପତିଙ୍କୁ ସ୍ବାଗତ କରିଛନ୍ତି। ତେବେ ସେ ତାଙ୍କ ଅଭିଭାଷଣ ସମୟରେ ବାଇଡେନଙ୍କ ନାମ ନେଇନାହାନ୍ତି। ତେବେ ଯିବା ସମୟରେ ଟ୍ରମ୍ପ
ଅନ୍ୟପଟେ ଟ୍ରମ୍ପ ହ୍ବାଇଟ୍ ହାଉସ ଛାଡ଼ିବା ପରେ ବାଇଡେନ ଟ୍ବିଟ୍ କରି ଲେଖିଛନ୍ତି, ଆଜି ଆମେରିକାରେ ନୂଆ ଦିନ। ଏହା ସହିତ ବାଇଡେନ ତାଙ୍କ ଟ୍ବିଟରର ପ୍ରୋଫାଇଲ ଫଟୋ ଏବଂ କଭର ଫଟୋକୁ ବଦଳାଇଛନ୍ତି। ଅନ୍ୟପଟେ ପୂର୍ବତନ ରାଷ୍ଟ୍ରପତି ବାରାକ ଓବାମା ଟ୍ବିଟ୍ କରି ବାଇଡେନଙ୍କୁ ଶୁଭେଚ୍ଛା ଜଣାଇଛନ୍ତି। ଓବାମା ଟ୍ବିଟ୍ରେ ଲେଖିଛନ୍ତି, ମୋ ବନ୍ଧୁଙ୍କୁ ଶୁଭେଚ୍ଛା, ଏହା ଆପଣଙ୍କ ସମୟ। ଏହି ଟ୍ବିଟ୍ ସହିତ ଓବାମା ବାଇଡେନଙ୍କ ସହ ଥିବା ତାଙ୍କର ଏକ ଫଟୋ ପୋଷ୍ଟ କରିଛନ୍ତି।
ଏହା ସହିତ ରାତି ୮ଟା ୪୪ରେ କାର୍ଯ୍ୟକ୍ରମରେ ଯୋଗଦେବା ଲାଗି ଓବାମା ଏବଂ ବିଲ୍ କ୍ଲିଣ୍ଟନ ପହଞ୍ଚିଥିଲେ। ବିଲ୍ କ୍ଲିଣ୍ଟନଙ୍କ ସହିତ ହିଲାରୀ କ୍ଲିଣ୍ଟନ ବି ପହଞ୍ଚିଛନ୍ତି। ଶପଥଗ୍ରହଣ ଉତ୍ସବରେ ୧ ହଜାର ଅତିଥିଙ୍କୁ ଆମନ୍ତ୍ରଣ କରାଯାଇଛି। କୌଣସି ଅପ୍ରୀତିକର ଘଟଣା ଘଟିବା ଆଶଙ୍କାରେ ଶପଥ ଗ୍ରହଣ ଉତ୍ସବ ସ୍ଥଳରେ ସୁରକ୍ଷା ଦୃଷ୍ଟିରୁ ୨୫ ହଜାର ପୁଲିସ ଫୋର୍ସ ମୁତୟନ ହୋଇଛନ୍ତି।
Comments are closed.