ୱାଶିଂଟନ : ଭାରତ ଉପରେ ଅଧିକ ଆମଦାନୀ ଶୁଳ୍କ ଲାଗୁ କରିବାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଘୋଷଣା କରିଛନ୍ତି। ସୋମବାର ଫ୍ଲୋରିଡାରେ ରିପବ୍ଲିକାନ୍ ପାର୍ଟି ପ୍ରତିନିଧିଙ୍କୁ ସମ୍ବୋଧନ କାଳରେ ଟ୍ରମ୍ପ କହିଛନ୍ତି ଯେ ଆମେରିକା ପ୍ରତି ବିପଦ ସୃଷ୍ଟିକାରୀ ରାଷ୍ଟ୍ରଗୁଡିକ ଉପରେ ଅଧିକ ଶୁଳ୍କ ଲାଗୁ କରାଯିବ। ଆଉ ଏହି ବିପଦ ସୃଷ୍ଟିକାରୀ ରାଷ୍ଟ୍ର ତାଲିକାରେ ଭାରତ ସହିତ ଚୀନ ଓ ବ୍ରାଜିଲ୍କୁ ଟ୍ରମ୍ପ ସ୍ଥାନ ଦେଇଛନ୍ତି। ଟ୍ରମ୍ପ କହିଛନ୍ତି ଯେ ବାହାର ରାଷ୍ଟ୍ର ଓ ବାହାର ଲୋକଙ୍କ ଉପରେ ଆମେ ଅଧିକ ଶୁଳ୍କ ଲାଗୁ କରିବାକୁ ଯାଉଛି। ଆମେରିକାରୁ ବେଆଇନ ଦେଶାଟନକାରୀଙ୍କୁ ବିତାଡିତ କରିବା ଲାଗି ଟ୍ରମ୍ପ କଠୋର ନିଷ୍ପତ୍ତି ନେଇଛନ୍ତି। ଏପରି ନିଷ୍ପତ୍ତି ଦ୍ବାରା ଭାରତ ସର୍ବାଧିକ ପ୍ରଭାବିତ ହେବାକୁ ଯାଉଛି। ଏପରିସ୍ଥିତିରେ ଟ୍ରମ୍ପ କହିଛନ୍ତି ଯେ ଆମେରିକାର ଦେଶାଟନ ନୀତିକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଠିକ୍ ପଦକ୍ଷେପ ନେବେ। ଟ୍ରମ୍ପ କହିଛନ୍ତି ଯେ ଆଗାମୀ ଫେବୃଆରୀରେ ପ୍ରଧାନମନ୍ତ୍ରୀ ମୋଦୀ ହ୍ବାଇଟ୍ ହାଉସ୍ ଗସ୍ତ କରିବେ।
Popular Categories
Previous article
Next article