ଭବାନୀପାଟଣା : ଆସନ୍ତା ୩୦ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଭବାନୀପାଟଣା ଗସ୍ତରେ ଆସିବେ। ସେଦିନ ରାଜ୍ୟରେ ଅନ୍ତୋଦୟ ଗୃହ ଯୋଜନାର ଏହିଠାରୁ ହିଁ ଶୁଭାରମ୍ଭ କରିବେ। ଏଥିସହିତ କେତେକ ପ୍ରକଳ୍ପର ଶିଳାନ୍ୟାସ ଏବଂ ଉଦ୍ଘାଟନ ମଧ୍ୟ କରିବେ। ସେଥିପାଇଁ ସୁରକ୍ଷା ବ୍ୟବସ୍ଥାର ତଦାରଖ ପାଇଁ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ଅଖିଲେଶ୍ୱର୍ ସିଂ ଆଜି ଭବାନୀପାଟଣା ଗସ୍ତରେ ଆସିଥିଲେ। ସହର ଉପକଣ୍ଠରେ ଥିବା ଶ୍ରୀକୃଷ୍ଣ ନଗର ସଭାସ୍ଥଳ ପରିଦର୍ଶନ କରିବା ସହିତ ଏସପି ଅଫିସରେ ଶ୍ରୀ ସିଂ ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ। ସମୀକ୍ଷା ସମୟରେ ଏସପି ନାଗରାଜ୍ ଦେବରକୋଣ୍ଡା, ସଦର ଏସଡିପିଓ ଆଜିଙ୍କ୍ୟମାନେ ପ୍ରମୁଖ ଉପସ୍ଥିତ ଥିଲେ।
Comments are closed.