ଢେଙ୍କାନାଳ: ଆଖି ବୁଜିଲା ବୌଦ୍ଧରେ ଆତଙ୍କ ଖେଳାଇଥିବା ଦନ୍ତା। ଗତକାଲି ବୌଦ୍ଧ ବନଖଣ୍ଡ କଣ୍ଟାମାଳ ଫରେଷ୍ଟ ରେଞ୍ଜରୁ କପିଳାସ ହାତୀ ଉଦ୍ଧାର କେନ୍ଦ୍ରକୁ ଆସିଥିବା ହାତୀର ରବିବାର ମୃତ୍ୟୁ ହୋଇଛି । ଘଟଣାସ୍ଥଳରେ ବନ ବିଭାଗ ପହଞ୍ଚି ଅଧିକ ତଦନ୍ତ ଜାରି ରଖିଛି। ସୂଚନା ମୂତାବକ କିଛି ଦିନ ହେଲା ଏହି ଦନ୍ତା ହାତୀଟି ବୌଦ୍ଧରେ ଆତଙ୍କ ଖେଳାଇଥିଲା।
ଏହାପରେ ଟ୍ରାଙ୍କଲାଇଜ୍ କରି ହାତୀଟିକୁ କାବୁ କରାଯାଇ ଶନିବାର ଏକ ସ୍ବତନ୍ତ୍ର ଗାଡିରେ ଦନ୍ତାକୁ କପିଳାସକୁ ଅଣାଯାଇଥିଲା। ସେଠାରେ ପହଞ୍ଚିବା ପରେ ହାତୀଟିକୁ କ୍ରଲ ଭିତରେ ରଖାଯାଇଥିଲା । ହେଲେ ହାତୀଟି କ୍ରଲରେ ଗର୍ଜନ କରି କର୍ମଚାରୀ ମାନଙ୍କୁ ଅତିଷ୍ଟ କରୁଥିଲା। ରବିବାର ସକାଳେ ଦନ୍ତାଟିର ମୃତ୍ୟୁ ଘଟିଛି। ତେବେ ଅତ୍ୟଧିକ ନିଶା ଏବଂ ଚିକିତ୍ସା ଅବହେଳାରୁ ହାତୀଟିର ମୃତ୍ୟୁ ଘଟିଥିବା ସୂଚନା ମିଳିଛି।
- Advertisement -
