ଟ୍ରାକ୍ଟର ଓ ଅଟୋ ମୁହାଁମୁହିଁ ଧକ୍କା, ୫ଆହତ

ଧର୍ମଗଡ଼ : କଳାହାଣ୍ଡି ଜିଲା ଧର୍ମଗଡ ଥାନା ଅନ୍ତର୍ଗତ ବିକ୍ରମଗୁଡା ପାଖରେ ଏକ ଟ୍ରାକ୍ଟର ଓ ଅଟୋ ମୁହାମୁହିଁ ଧକ୍କା ହେବା ଫଳରେ ୫ଜଣ ଆହତ ହୋଇଛନ୍ତି। ଆହତ ସମସ୍ତେ ପର୍ଲା ପଞ୍ଚାୟତ ସେମଲା ଗାଁର ବୋଲି ଜଣାପଡିଛି। ତନ୍ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି।
ସୁଚନା ଅନୁଯାୟୀ, ସେମଲା ଗାଁର ଗମ୍ଭିର ମଶ୍ରା, ଜେମା ବାଗ, ଧନମତି ମଶ୍ରା, କୁଜୁମା ଗୋପାଳ ଓ ବାସନ୍ତି ବାଗ ଧର୍ମଗଡ ନିକଟସ୍ଥ ସରଧାପୁର ଗାଁରୁ ନିଜ ଗାଁ ଫେରୁଥିଲେ। ଏହି ସମୟରେ ବିକ୍ରମଗୁଡା ଛକରେ ଏକ ଟ୍ରାକ୍ଟର ସହ ମୁହାମୁହିଁ ଧକ୍କା ହୋଇଥିଲ। ଟ୍ରାକ୍ଟରଟି ଏକ କ୍ରସରର ବୋଲି ଜଣାପଡିଛି। ଦୁର୍ଘଟଣାରେ ଜେମା ବାଗଙ୍କ ହାତ ଛିଣ୍ଡିଯାଇଛି। ତୁରନ୍ତ ସମସ୍ତଙ୍କୁ ଧର୍ମଗଡ ଡାକ୍ତରଖାନାକୁ ନିଆଯାଇଥିବା ବେଳେ ଜେମା, ଧନମତି, କୁଜୁମାଙ୍କୁ ଭବାନିପାଟଣା ଡାକ୍ତରଖାନାକୁ ସ୍ଥାନନ୍ତର କରାଯାଇଛି। ସେଠାରେ ଜେମାଙ୍କ ହାତ କଟାଯାଇଥିବା ଜଣାପଡିଛି। ଘଟଣାଟି ଗତକାଲି ରାତ୍ରିରେ ଘଟିଥିଲା। ଧର୍ମଗଡ ପୁଲିସ୍ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।