ଡେସ୍କ: ବ୍ରାଜିଲ୍ର କ୍ୟାକ୍ସିୟାସ୍ ଡୋ ସୁଲ୍ ଠାରେ ଚାଲିଥିବା ୨୪ତମ ବଧିର ଅଲମ୍ପିକ୍ସର ତୃତୀୟ ଦିନରେ ଭାରତର ଧନୁଶ ଶ୍ରୀକଣ୍ଠ ୧୦ ମିଟର ଏୟାର ରାଇଫଲ୍ ପ୍ରତିଯୋଗିତାରେ ସ୍ୱର୍ଣ୍ଣପଦକ ବିଜୟୀ ହୋଇଛନ୍ତି। ସୌର୍ଯ୍ୟ ସାଇନିଙ୍କୁ ବ୍ରୋଞ୍ଜ ପଦକ ମିଳିଛି। ସେ କୋରିଆର କିମ୍ ଉ ରିମଙ୍କ ପଛରେ ରହିଥିଲେ।
ଧନୁଶ ୨୪୭.୫ ପଏଣ୍ଟ ପାଇଥିବା ବେଳେ କିମ୍ ୨୪୬.୬ ପଏଣ୍ଟ ପାଇଛନ୍ତି ଓ ସୌର୍ଯ୍ୟ ୨୨୪.୩ ପଏଣ୍ଟ ପାଇଛନ୍ତି। ଭାରତୀୟ ବ୍ୟାଡମିଣ୍ଟନ ଟିମ୍ ଜାପାନକୁ ଫାଇନାଲରେ ୩-୧ରେ ହରାଇ ସ୍ୱର୍ଣ୍ଣପଦକ ବିଜୟୀ ହୋଇଛି। ପଦକ ତାଲିକାରେ ଭାରତ ଅଷ୍ଟମ ସ୍ଥାନରେ ରହିଛି। ଭାରତ ଏପର୍ଯ୍ୟନ୍ତ ୨ଟି ସ୍ୱର୍ଣ୍ଣ ଓ ଗୋଟିଏ ବ୍ରୋଞ୍ଜ ପଦକ ପାଇଛି। ୟୁକ୍ରେନ୍ ୧୯ଟି ସ୍ୱର୍ଣ୍ଣ, ୬ଟି ରୌପ୍ୟ ଓ ୧୩ଟି ବ୍ରୋଞ୍ଜ ପଦକ ସହ ଶୀର୍ଷ ସ୍ଥାନରେ ରହିଛି।
