ଭୋପାଳ – ମଧ୍ୟ ପ୍ରଦେଶର ପାନ୍ନାରୁ ଜଣେ ଚାଷୀଙ୍କୁ ସରକାରଙ୍କ ଠାରୁ ଲିଜ୍ରେ ନେଇଥିବା ଜମିରୁ ଏକ ହୀରା ମିଳିଛି । ଏହି ହୀରା ୧୧.୮୮ କ୍ୟାରେଟ୍ର । ମଧ୍ୟପ୍ରଦେଶ ପନ୍ନାର ପ୍ରତାପ ସିଂ ଯାଦବ ଜଣେ କ୍ଷୁଦ୍ର ଚାଷୀ । ବେଳେ ବେଳେ ସେ ପରିବାର ପ୍ରତିପୋଷଣ ପାଇଁ ଶ୍ରମିକ ଭାବେ କାମ କରନ୍ତି। କିଛି ଦିନି ତଳେ ସେ ସରକାରଙ୍କ ଠାରୁ ଏକ ଛୋଟ ଜମି ଲିଜ୍ରେ ନେଇଥିଲେ ।
ଜମିରୁ ତାଙ୍କୁ ଏକ ଚକ୍ମକ୍ କରୁଥିବା ପଥର ମିଳିଥିଲା । ଏହାକୁ ଯାଞ୍ଚ କରିବାରୁ ହୀରା ବୋଲି ଜଣା ପଡିଥିଲା । ଏହା ଏକ ଭଲ ଧରଣର ହୀରା । ବଜାାରରେ ଏହାର ମୂଲ୍ୟ ପ୍ରାୟ ୫୦ ଲକ୍ଷ ଟଙ୍କା ହେବ ବୋଲି ହୀରା ଯାଞ୍ଚ କରୁଥିବା ଅଧିକାରୀ କହିଛନ୍ତି । ପାନ୍ନାରେ ଅନେକ ସମୟରେ ଜମିରୁ ହୀରା ମିଳିଥାଏ । ଲୋକମାନେ ଲିଜ୍ରେ ଜମି ନେଇ ବିଭିନ୍ନ ରତ୍ନ ପଥର ପାଇବା ଆଶାରେ ଏହାକୁ ଖୋଳି ଥାଆନ୍ତି ।
ସେ ଏହି ଛୋଟିଆ ଜମିକୁ ଲିଜ୍ରେ ନେବାପରେ ଗତ ତିନିମାସ ଧରି ଏହାକୁ ଖୋଳିବା ସହ ଅକ୍ଳାନ୍ତ ପରିଶ୍ରମ କରିଥିଲେ । ପରିଶ୍ରମ ଏବଂ ଭାଗ୍ୟ ବଳରେ ତାଙ୍କ ହୀରା ମିଳିଥିଲା । ଏହାର ମୂଲ୍ୟ ୫୦ ଲକ୍ଷ ଟଙ୍କା ହେବା ବୋଲି ଜଣା ପଡିଛି ।
