ଭୁବନେଶ୍ୱର: ଧାମନଗର ଉପନିର୍ବାଚନ ପାଇଁ ଷ୍ଟାର ପ୍ରଚାରକ ତାଲିକା ଘୋଷଣା କଲା ବିଜେଡି । ବିଜୁ ଜନତା ଦଳ ପକ୍ଷରୁ ଆଜି ୪୦ ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ ପାଇଛି । ତାଲିକାରେ ମୁଖ୍ୟମନ୍ତ୍ରୀଙ୍କ ନାଁ ସମେତ ବିଧାୟକ, ମନ୍ତ୍ରୀ ଓ ବରିଷ୍ଠ ନେତା ମାନଙ୍କ ନାଁ ରହିଥିବା ଦେଖିବାକୁ ମିଳିଛି । ତାଲିକାର ଶୀର୍ଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନାଁ ରହିଥିବା ବେଳେ, ପରେ ପ୍ରଣବ ପ୍ରକାଶ ଦାସ, ପ୍ରସନ୍ନ ଆଚାର୍ଯ୍ୟ, ଦେବୀ ମିଶ୍ର, ଓ ରଣେନ୍ଦ୍ର ସ୍ୱାଇଁଙ୍କ ନାଁ ରହିଛି ।
ସେହିପରି ପ୍ରଫୁଲ୍ଲ ମଲିକ, ପ୍ରମିଳା ମଲିକ, ପ୍ରତାପ କେଶରୀ ଦେବଙ୍କ ନାଁ ତାଲିକାରେ ସାମିଲ ହୋଇଛି । ହେଲେ ଷ୍ଟାର ପ୍ରଚାରକ ତାଲିକାରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶଙ୍କ ନାଁ ରହିନାହିଁ । ମନ୍ତ୍ରୀ ବର୍ତ୍ତମାନ ବିବାଦରେ ରହିଥିବାରୁ ତାଙ୍କୁ ଷ୍ଟାର ପ୍ରଚାରକ ତାଲିକାରୁ ବାଦ୍ ଦିଆଯାଇଥିବା କୁହାଯାଉଛି ।
ସାଂସଦ ଅନୁଭବ ମହାନ୍ତିଙ୍କ ନାଁ ମଧ୍ୟ ରହିନାହିଁ ଷ୍ଟାର ପ୍ରଚାରକ ତାଲିକାରେ । ଅନୁଭବ ମହାନ୍ତିଙ୍କୁ ତାଲିକାରୁ ହଟାଯାଇ ଅରନ୍ଦମଙ୍କୁ ଦଳ ସାମିଲ କରିଥିବା ଦେଖିବାକୁ ମିଳିଛି ।
Comments are closed.