ଧାମରା: ଧାମରାରେ ବିଦ୍ୟୁତ ସେବା ଅପହଞ୍ଚ ସାଙ୍ଗକୁ ଭାରତୀୟ ସଂଚାର ନିଗମ ଲିମିଟେଡ୍ ଦ୍ୱାରା ଯୋଗାଇ ଦିଆଯାଇଥିବା ବ୍ରଡବ୍ୟାଣ୍ଡ ସେବା ସଂପୂର୍ଣ୍ଣ ବନ୍ଦ ହୋଇ ଯାଇଛି। ଖବର ଅନୁଯାୟୀ, ଗତକାଲି ସନ୍ଧ୍ୟା ସମୟରେ ଧାମରାକୁ ୫୨ କି.ମି ଦୂର ବାସୁଦେବପୁରରୁ ଆସିଥିବା ୩୩କେଭି ବିଦ୍ୟୁତ ଲାଇନରେ ତ୍ରୁଟି ହୋଇଥିବା ଯୋଗୁ ବିଦ୍ୟୁତ ସରବରାହ ଦୀର୍ଘ ୧୨ଘଣ୍ଟା ଧରି ବନ୍ଦ ରହିଥିଲା। ସେହିପରି ଆଜି ପୁନଶ୍ଚ ଯାନ୍ତ୍ରିକ ତ୍ରୁଟି ଯୋଗୁ ଏହି ସେବା ଦୀର୍ଘ ୩ଘଣ୍ଟା ଧରି ବନ୍ଦ ରହିଥିଲା।
ସେହିପରି ବିଏସଏନଏଲ ଦ୍ୱାରା ଯୋଗାଇ ଦିଆଯାଇଥିବା ବ୍ରଡବ୍ୟାଣ୍ଡ ସେବା ଦୀର୍ଘ ୧୦ ଦିନ ହେବ ବନ୍ଦ ରହିଥିବା ବେଳେ ଏହି ସେବାକୁ ଚାଲୁ କରିବାକୁ ବିଭାଗୀୟ ଅଧିକାରୀ ତତ୍ପର ହୋଇ ନାହାନ୍ତି। ଗତ ୧୦ତାରିଖ ଦିନ ହେବ ଏହି ବ୍ରଡବ୍ୟାଣ୍ଡ ସେବା ସଂପୂର୍ଣ୍ଣ ଅଚଳ ହୋଇ ପଡ଼ିଥିବା ବେଳେ ଏହି ସେବା ଯୋଗାଇ ଦେବାକୁ ଭୁବନେଶ୍ୱର ଚିଫ ଜେନେରାଲ ମ୍ୟାନେଜରଙ୍କଠାରୁ ଆରମ୍ଭ କରି ବାଲେଶ୍ୱର ଜିଏମଙ୍କ ପାଖରେ ବହୁବାର ଅଭିଯୋଗ ପରେ ମଧ୍ୟ ଆଜି ପର୍ଯ୍ୟନ୍ତ ଏହି ସେବା ଯୋଗାଇ ଦିଆଯାଇ ପାରୁନାହିଁ। ତୁରନ୍ତ ଏହି ସେବା ଯୋଗାଇ ଦେବାକୁ ସର୍ବସାଧାରଣରେ ଦାବୀ ହୋଇଛି।
Comments are closed.