ଧାମରା: ଧାମରା ନିକଟସ୍ଥ ଜନ୍ତୁଆଳୀଠାରେ ଥିବା ବିଏସସି ସରକାରୀ ବିଦ୍ୟାଳୟଠାରେ ଏକକ ବ୍ୟବହାର ପ୍ଲାଷ୍ଟିକକୁ ଦୈନନ୍ଦିନ କାର୍ଯ୍ୟରେ ବ୍ୟବହାର ନକରିବା ପାଇଁ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଏବଂ ସମସ୍ତ ଶିକ୍ଷକ ଏହି ଏକକ ପ୍ଲାଷ୍ଟିକ ବ୍ୟବହାରକୁ ବନ୍ଦ କରିବାକୁ ନେଇ ପ୍ଲାକାର୍ଡ ଧରି ଏକ ରାଲିରେ ପଂଚାୟତ ପରିକ୍ରମା କରିବା ସହ ବିଭିନ୍ନ ସ୍ଲୋଗାନ ମାନ ଦେଇ ଜନସଚେତନତା ସୃଷ୍ଟି କରିଥିଲେ। ପରେ ବିଦ୍ୟାଳୟ ପରିସରରେ ହୋଇଥିବା କର୍ମଶାଳାରେ ବିଦ୍ୟାଳୟ ପ୍ରଧାନଶିକ୍ଷକ ଅଜୟ କୁମାର ରାଉତ ପୌରୋହିତ୍ୟ କରିଥିବା ବେଳେ ମୁଖ୍ୟ ଅତିଥି ଭାବେ ସମାଜସେବୀ ନିରୋଦ ରାଉତ, ପ୍ରଶାନ୍ତ ନାୟକ ଏହି ଏକକ ବ୍ୟବହାର ପ୍ଲାଷ୍ଟିକ ବ୍ୟବହାର ଉପରେ ସାଧାରଣରେ ଅଙ୍କୁଶ ଲଗାଇବା ଜରୁରୀ, ବର୍ତମାନର ସମାଜ ଏବଂ ଯୁବବର୍ଗ ନିଜ ଅଂଚଳରେ ଏଭଳି ପ୍ଲାଷ୍ଟିକ ବ୍ୟବହାର ବର୍ଜନୀୟ କରିବା ଅତ୍ୟନ୍ତ ଜରୁରୀ ବୋଲି ମତବ୍ୟକ୍ତ କରିଥିଲେ। ଅନ୍ୟ ଉପସ୍ଥିତ ଶିକ୍ଷକ ଶିକ୍ଷୟତ୍ରୀ ମାନେ ମଧ୍ୟ ଏହି ଏକକ ପ୍ଲାଷ୍ଟିକ ବ୍ୟବହାର କରିବା ଦ୍ୱାରା ସମାଜ ଏବଂ ପରିବେଶ ଉପରେ ଏହାର କୁପରିଣାମ ଉପରେ ନିଜ ନିଜର ବକ୍ତବ୍ୟ ରଖିବା ସହ ସମସ୍ତ ଛାତ୍ରଛାତ୍ରୀ ନିଜ ଅଂଚଳରେ ଏହାକୁ ସର୍ବଦା ବର୍ଜନୀୟ କରିବାକୁ ଆହ୍ୱାନ ଦେଇଥିଲେ। ଆଜି ହୋଇଥିବା ଏହି କର୍ମଶାଳାରେ ବିଷ୍ଣୁ ପ୍ରସାଦ ବେହେରା, ଦିଲିପ କୁମାର ହେମ୍ବ୍ରମ, ଗଦାଧର ବଳ, ବଂଶୀଧର ମହାକୁଡ, ଦେବାଶୀଶ ନାୟକ, ଉମାକାନ୍ତ ମହାଳିକ, ବୈଜୟନ୍ତୀ ଦତ, ସୁଭଶ୍ମିତା ପଣ୍ଡା, ଦୀପିକା ସେଠୀ, ଉମାକାନ୍ତ ମହାଳିକ ପ୍ରମୁଖ ଯୋଗ ଦେଇଥିବା ବେଳେ କର୍ମଶାଳା ଶେଷରେ ଦେବାଶୀଶ ନାୟକ ଧନ୍ୟବାଦ ଅର୍ପଣ କରିଥିଲେ।
