ଗୁରୁଡିଝାଟିଆ:କାର୍ତ୍ତିକ ମାସର ତୃତୀୟ ସୋମବାରରେ ପ୍ରଭୁ ଧବଳେଶ୍ୱରଙ୍କୁ ପ୍ରାୟ ୬୦ ହଜାର ଶ୍ରଦ୍ଧାଳୁ ଦର୍ଶନ କରିଛନ୍ତି। ଏଥିପାଇଁ ସନ୍ଧ୍ୟା ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଆଗମନ ଦେଖିବାକୁ ମିଳିଥିଲା। ଦୀର୍ଘ ସମୟ ଧାଡିରେ ରହି ଶ୍ରଦ୍ଧାଳୁମାନେ ଆଜି ଶୃଙ୍ଖଳାର ସହିତ ଦର୍ଶନ କରିଥିଲେ।
ନୀତିପାଳିଆ ବଟକୃଷ୍ଣ ପତ୍ରୀ ପ୍ରତ୍ୟୁଷରୁ ପହଡ ଖୋଲି ପ୍ରଭୁଙ୍କ ନୀତିକାର୍ଯ୍ୟ ସଂପନ୍ନ କରିଥିଲେ। ଆଠଗଡ଼ ଉପଜିଲାପାଳ ତଥା ଦେବୋତ୍ତର କାର୍ଯ୍ୟନିର୍ବାହୀ ଅଧିକାରୀ ପ୍ରହଲ୍ଲାଦ ନାରାୟଣ ଶର୍ମାଙ୍କ ପ୍ରତ୍ୟେକ୍ଷ ତତ୍ୱାବଧାନରେ ପ୍ରଭୂଙ୍କ ନୀତିକାର୍ଯ୍ୟ ସଂପନ୍ନ ହେବା ପରେ ଭୋର ୫ଟାରେ ଶ୍ରଦ୍ଧାଳୁଙ୍କ ଦର୍ଶନ ବ୍ୟବସ୍ଥା କରାଯାଇଥିଲା।
- Advertisement -
ଚୌଦ୍ୱାର ଏସଡିପିଓ ଉମାକାନ୍ତ ନାୟକ ,ଗୁରୁଡିଝାଟିଆ ଥାନା ଅଧିକାରୀ ପରେଶ କୁମାର ମହାନ୍ତି,ଧବଳେଶ୍ୱର ପୁଲିସ ସହାୟତା କେନ୍ଦ୍ର ଅଧିକାରୀ ଗିରୀଶ ମହାନ୍ତିଙ୍କ ପ୍ରତ୍ୟେକ୍ଷ ତତ୍ୱାବଧାନରେ ପୁଲିସ ମୁତୟନ ହୋଇ ଶୃଙ୍ଖଳାର ସହିତ ଧାଡିରେ ଦର୍ଶନ ବ୍ୟବସ୍ଥା କରାଇଥିଲେ।
