ଦେଓଗାଁ : ଛାତ୍ରୀଙ୍କୁ ହଷ୍ଟେଲରେ ରଖି ପାଠ ପଢାଇବା ପାଇଁ ସରକାର କସ୍ତୁରବା ଗାନ୍ଧୀଙ୍କ ନାଁରେ ଉଚ୍ଚ ବିଦ୍ୟାଳୟ ଖୋଲି ଖାଇବା, ନିତ୍ୟ ବ୍ୟବହାର ଜିନିଷ ଦେଇ ପାଠ ପଢ଼ାଉଛନ୍ତି। କିନ୍ତୁ ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ କସ୍ତୁରବା ଗାନ୍ଧୀ ଉଚ୍ଚ ବିଦ୍ୟାଳୟରେ ମଧ୍ୟାହ୍ନ ଭୋଜନର ଚାଉଳ ହେରଫେର କରି ପ୍ରଧାନଶିକ୍ଷୟିତ୍ରୀ ନିଳମ୍ବିତ ହେବା ଚର୍ଚ୍ଚାର ବିଷୟ ହୋଇଛି। ହଷ୍ଟେଲ ଓ ସ୍କୁଲ ପରିଚାଳନା ପାଇଁ ଆସିଥିବା ଚାଉଳ ହେରଫେର ହୋଇଥିବାର ଅଭିଯୋଗ ଆସିବା ପରେ ଜଣେ ପ୍ରଧାନଶିକ୍ଷକଙ୍କ ସହ ଏବିଏଓ କବିରାଜ ମାଝୀ ତଦନ୍ତ କରିବା ପାଇଁ ବିଦ୍ୟାଳୟକୁ ଯାଇଥିଲେ। ତଦନ୍ତ ବେଳେ ୧୦.୮୬ କ୍ୟୁଣ୍ଟାଲ୍ ଚାଉଳ କମ ଥିବାରୁ ଶିକ୍ଷୟିତ୍ରୀଙ୍କୁ ପଚାରିଥିଲେ କିନ୍ତୁ ଶିକ୍ଷୟିତ୍ରୀ ଜଣକ ସନ୍ତୋଷ ଜନକ ଉତ୍ତର ଦେଇନଥିବା ତଦନ୍ତକାରୀ ରିପୋର୍ଟରେ ଦର୍ଶାଇ ଥିଲେ। ଏହି ରିପୋର୍ଟକୁ ଆଧାର କରି ଦେଓଗାଁ ବିଇଓ ମମତା ମହାଡିକ ତାଙ୍କ ଅଫିସ ପତ୍ର ସଂଖ୍ୟା ୪୯୭ରେ ପ୍ରଧାନଶିକ୍ଷୟିତ୍ରୀ ସୁଧାନ ସିନିଙ୍କୁ ନିଳମ୍ବିତ କରିଛନ୍ତି। ଏନେଇ ତଦନ୍ତ କରିଥିବା ଏବିଇଓ କବିରାଜ ମାଝୀଙ୍କୁ ପଚାରିବାରୁ ଚାଉଳ ହେରଫେରର ପ୍ରମାଣ ମିଳିବା ପରେ ବିଇଓ ରିପୋର୍ଟ ଯିବା ପରେ ସେ ପ୍ରଧାନଶିକ୍ଷୟିତ୍ରୀଙ୍କୁ ନିଲମ୍ବନ କରିଛନ୍ତି ବୋଲି କହିଛନ୍ତି।
୩୦ ବର୍ଷ ପରେ ଶନିଙ୍କ ଓଲଟା ଚଳନ ; ଏହି ରାଶି ହେବେ ଭାଗ୍ୟବାନ୍, ମିଳିବ ଚାକିରି, ବଢିବ ଦରମା..
ଦେଖନ୍ତୁ ଭିଡିଓ; ବିଚ୍ ରାସ୍ତାରେ ନାଚିଲେ ଯୁବତୀ, ଗାଡି ଅଟକାଇ ଦେଖିଲେ ଲୋକେ
