ନୂଆଦିଲ୍ଲୀ : ଆମେରିକା ରାଷ୍ଟ୍ରପତିଙ୍କ ଗସ୍ତ ପାଇଁ ସୁରକ୍ଷା ଦାୟିତ୍ବରେ ଅଧିକ ପୁଲିସ କର୍ମଚାରୀ ନିୟୋଜିତ ଥିଲେ। ହିଂସାକାଣ୍ଡ ଘଟିଥିବା ଅଞ୍ଚଳରେ ଯଥେଷ୍ଟ ପୁଲିସ ନ ଥିବାରୁ ହିଂସା ନିୟନ୍ତ୍ରଣ କରାଯାଇପାରିଲା ନାହିଁ; ଫଳରେ ଏହା ବ୍ୟାପିଲା ବୋଲି ଦିଲ୍ଲୀ ପୁଲିସ କମିସନର କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟକୁ ଜବାବ ଦେଇଛନ୍ତି। ଗତ ୩୬ଘଣ୍ଟା ଧରି କାହିଁକି ହିଂସା ନିୟନ୍ତ୍ରଣ ହୋଇପାରୁ ନାହିଁ ବୋଲି ସ୍ବରାଷ୍ଟ୍ରମନ୍ତ୍ରୀଙ୍କ ପ୍ରଶ୍ନର ଉତ୍ତରରେ କମିସନର ଏଭଳି କହିଛନ୍ତି। ଏତଦ୍ବ୍ୟତୀତ କ୍ଷେତ୍ର ଉପରେ ଥିବା ପୁଲିସବାହିନୀ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କୁ ଦୋଷ ଦେଇଛନ୍ତି। ଯଥା ସମୟରେ କାର୍ଯ୍ୟାନୁଷ୍ଠାନ ପାଇଁ କର୍ତ୍ତୃପକ୍ଷଙ୍କ ନିର୍ଦେଶ ନ ମିଳିବାରୁ ପୁଲିସ ହାତବାନ୍ଧି ରହିଲା ଓ କାର୍ଯ୍ୟାନୁଷ୍ଠାନ ବିଳମ୍ବିତ ହେଲା ଏବଂ ପୁଲିସ ଦଙ୍ଗାକାରୀଙ୍କ ଶିକାର ହେଲା ବୋଲି ଉତ୍ତର-ପୂର୍ବାଞ୍ଚଳ ଦିଲ୍ଲୀ ପୁଲିସ ପକ୍ଷରୁ ଅଭିଯୋଗ ହୋଇଛି। ଦଙ୍ଗା ବଢ଼ିବା ପରେ ଘଟଣାସ୍ଥଳରେ ୧୩ କମ୍ପାନୀ ସିଆରପିଏଫ୍, ଦୁଇ କମ୍ପାନୀ ରାପିଡ୍ ଅାକ୍ସନ ଫୋର୍ସ ଓ ଗୋଟିଏ କମ୍ପାନୀ ମହିଳା ପୁଲିସ ମୁତୟନ କରାଯାଇଥିଲା। ଏହା ଯଥେଷ୍ଟ ନ ହେବାରୁ ଅଧିକ ସୁରକ୍ଷାକର୍ମୀ ମଗା ଯାଇଥିଲା ବୋଲି କମିସନର କହିଛନ୍ତି। ଏମିତିକି ରାସ୍ତା ଅବରୋଧ ଯୋଗୁଁ ଦଙ୍ଗା ସ୍ଥଳକୁ ଆମ୍ବୁଳାନ୍ସ ଯାଇ ନ ପାରିବାରୁ ମୃତ୍ୟୁ ସଂଖ୍ୟା ବଢ଼ିଥିବା କମିସନର କହିଛନ୍ତି। ସମ୍ପ୍ରତି ୩୫କମ୍ପାନୀ ଅର୍ଦ୍ଧସାମରିକବାହିନୀ ମୁତୟନ ଅଛନ୍ତି ବୋଲି ସେ କହିଛନ୍ତି।
Popular Categories
Previous article
Next article