ଦିଲ୍ଲୀରେ ଇରାକି ନାଗରିକଙ୍କ ଟଙ୍କା ଭର୍ତ୍ତି ବ୍ୟାଗ୍ ଲୁଟେରା ଝାମ୍ପି ନେବାରୁ ହୃଦଘାତରେ ମୃତ୍ୟୁ
ନୂଆଦିଲ୍ଲୀ – ଚିକିତ୍ସା ପାଇଁ ଦିଲ୍ଲୀ ଆସିଥିବା ଇରାକି ନାଗରିକଙ୍କ ଟଙ୍କା ଭର୍ତ୍ତି ବ୍ୟାଗକୁ ପୁଲିସ ଭାବେ ପରିଚୟ ଦେଇ କିଛି ଠକ ଝାମ୍ପି ନେଇଥିଲେ । ଏହାପରେ ୬୩ ବର୍ଷିୟ ନାଗରିକଙ୍କ ହୃଦଘାତରେ ମୃତ୍ୟୁ ହୋଇଥିବା କୁହାଯାଉଛି।
ଫରିସ ଆବାସ ଏବଂ ତାଙ୍କ ପତ୍ନୀ ଦିଲ୍ଲିକୁ ଚିକିତ୍ସା ପାଇଁ ଆସିଥିଲେ । ଆବାସଙ୍କ ନିକଟରେ ୧୫ ହଜାର ଆମେରିକୀୟ ଡଲାର ବା ପ୍ରାୟ ୧୨.୪ ଲକ୍ଷ ଟଙ୍କା ଥିଲା . ଏକ ହୋଣ୍ଡା ସିଟି କାରରେ ଦୁଇ ଜଣ ବ୍ୟକ୍ତି ଆସି ସେମାନେ ପୁଲିସ ବୋଲି ପରିଚୟ ଦେଇଥିଲେ। ଏହାପରେ ସେମାନେ ତାଙ୍କୁ ଯାଞ୍ଚ କରିବା ପାଇଁ କହିଥିଲେ । ତାଙ୍କ ନିକଟରେ ନିଶା ଦ୍ରବ୍ୟ ଥିବା କଥା କହି ତାଙ୍କ ଟଙ୍କା ବ୍ୟାଗ ନେଇ ଚମ୍ପଟ ମାରିଥିଲେ । ଆବାସ ତାଙ୍କର ପିଛା କରିଥିଲେ । ମାତ୍ର ୨୦ ମିଟରେ ଯିବା ପରେ ଆବାସ ତଳେ ପଡିଯିବା ସହ ଥରିଥିଲେ ।
ସେ ରହୁଥିବା ହୋଟେଲ୍ର କର୍ମଚାରୀମାନେ ସେଠାରେ ପହଞ୍ଚ ଆବାସଙ୍କୁ ଉଦ୍ଧାର କରି ହୋଟେଲ୍କ ନେଇଥିଲେ । ପରେ ତାଙ୍କୁ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଥିଲା। ସମାନ ଢଙ୍ଗରେ ଗାତ ମାର୍ଚ୍ଚ ଏବଂ ସେପ୍ଚେମ୍ବର ମାସରେ ବିଦେଶରୁ ଆସିଥିବା ନାଗରିକଙ୍କ ଠାରୁ ଟଙ୍କା ଚୋରି ହୋଇଥିଲା ।
ପୁଲିସ ଆଜି ପର୍ଯ୍ୟନ୍ତ ସେହି ଠକ ଚୋରମାନଙ୍କୁ ଧରିବାରେ ସଫଳ ହୋଇପାରି ନାହିଁ । ସେହି ଚୋରିର ମଧ୍ୟ ସମାନ ରଙ୍ଗର ହୋଣ୍ଡା ସିଟି କାର୍ ବ୍ୟବହାର କରାଯାଇଥିଲା ।
Comments are closed.