ନୂଆଦିଲ୍ଲୀ: ଆସନ୍ତା ୨୯ ତାରିଖ ଯାଏଁ ଦିଲ୍ଲୀ ଚଲୋ ଅଭିଯାନ ସ୍ଥଗିତ ରଖାଯାଇଛି। ଏ ନେଇ ଚାଷୀ ସଙ୍ଗଠନର ଘୋଷଣା ପରେ ଦିଲ୍ଲୀ ବର୍ଡର ଧିରେ ଧିରେ ଖୋଲୁଛି। ପଞ୍ଜାବ ଓ ହରିୟାଣାକୁ ଯୋଗାଯୋଗ କରୁଥିବା ଶମ୍ଭୁ ଓ ଟିକିରି ବର୍ଡରୁ ଦିଲ୍ଲୀ ପୋଲିସ ପକ୍ଷରୁ ଅସ୍ଥାୟୀ ଭାବେ ଖୋଲାଯାଉଛି । ସେହିପରି ସୀମାରୁ କଂକ୍ରିଟ୍ ବ୍ୟାରିକେଡକୁ ଭଙ୍ଗାଯାଇଛି। ପ୍ରଥମ ପର୍ଯ୍ୟାୟରେ ଦୁଇଟି ଲେନ ଖୋଲିବାକୁ ନିଷ୍ପତି ନେଇଛି ଦିଲ୍ଲୀ ପୋଲିସ । ଆଜି ସନ୍ଧ୍ୟା ସୁଦ୍ଧା ଶମ୍ଭୁ ଓ ଟ୍ରିକି ବର୍ଡରରେ ଯାତାୟତ ଆରମ୍ଭ ହେବ ବୋଲି ସୂଚନା ମିଳିଛି । ଚାଷୀଙ୍କ ଆନ୍ଦୋଳନ ଡାକରା ପରେ ଫେବୃଆରି ୧୩ ତାରିଖରୁ ଦୀଲ୍ଲୀ ସୀମାକୁ ସିଲ କରାଯାଇଥିଲା । ସେପଟେ ଶନିବାର ସନ୍ଧ୍ୟାରେ ଚାଷୀମାନେ ପଞ୍ଜାବ-ହିରିୟାଣାର ଶମ୍ଭୁ ଓ ଖନୌରୀ ସୀମାରେ ପ୍ୟାଣ୍ଡେଲ ଶୋଭାଯାତ୍ରା କରିଥିଲେ। ପଞ୍ଜାବ ଭଠିଣ୍ଡାର ଯୁବଚାଷୀ ଶୁଭକରଣ ସିଂହଙ୍କୁ ସମସ୍ତ ଚାଷୀମାନେ ଶ୍ରଦ୍ଧାଞ୍ଜଳୀ ଦେଇଥିବା ଦେଖିବାକୁ ମିଳିଛି।
Comments are closed.