ସଡକ ଦୁର୍ଘଟଣାରେ ୩ ବାଇକ ଆରୋହୀ ଗୁରୁତର

ଦେବଗଡ଼:ଆଜି ରାତ୍ରୀରେ ରିଆମାଳ ଥାନା ଅନ୍ତର୍ଗତ ଗୋହିରା ଛକ ନିକଟରେ ଏକ ସଡକ ଦୁର୍ଘଟଣାରେ ୩ଜଣ ବାଇକ ଆରୋହୀ ଗୁରୁତର ଆହତ ହୋଇଛନ୍ତି। ମିଳିଥିବା ସୂଚନା ଅନୁଯାୟୀ ଆଜି ରାତି ପ୍ରାୟ ୮ଟା ସମୟରେ ମଧ୍ୟପୁର ଗ୍ରାମର ମହେଶ୍ୱର ପ୍ରଧାନ, ଅଜୟ ପ୍ରଧାନ ଓ ଭରତ କିସାନ ଏକ ବାଇକ ଯୋଗେ ଦେବଗଡ ପଟୁ ନିଜ ଘରକୁ ଫେରୁଥିଲେ। ତେବେ ଗୋହୀରା ଛକ ନିକଟରେ ଦୃତଗତିରେ ଆସୁଥିବା ଏକ ବୋଲେରୋ ତାଙ୍କୁ ଧକ୍କାଦେଇ ଫେରାର ହୋଇଯାଇଥିଲା। ଫଳରେ ରାସ୍ତା କଡରେ ଠିଆ ହୋଇଥିବା ଏକ ଟ୍ରାକ୍ଟରରେ ସେମାନେ ପିଟିହେବା ସହ ଭରତଙ୍କ ହାତ ଓ ଅଜୟଙ୍କ ଗୋଡ ଭାଙ୍ଗି ଯାଇଥିଲା। ସେହିପରି ମହେଶ୍ୱରଙ୍କ ଛାତିରେ ଗୁରୁତର ଆଘାତ ଲାଗିଥିଲା। ସ୍ଥାନୀୟ ଲୋକେ ସେଠାରୁ ଆହତ ୩ଜଣଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଦେବଗଡ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।