ଜାମନଗର : ଗୁଜରାଟ ଜାମନଗର ସହର ଅନ୍ତର୍ଗତ ପୁଷ୍କରଧାମ ଅଞ୍ଚଳରେ ରହୁଥିବା ଜସ୍ମିତ ପଟେଲ ନାମକ ଜଣେ ବ୍ୟକ୍ତି କିଣିଥିବା ଏକ ଆଳୁ ଚିପ୍ସ ପ୍ୟାକେଟ୍ରୁ ମଲା ବେଙ୍ଗ ବାହାରିବା ଚର୍ଚ୍ଚାର ବିଷୟ ପାଲଟିଛି। ଜସ୍ମିତ ମଙ୍ଗଳବାର ରାତିରେ ଦୋକାନରୁ ଏକ ଆଳୁ ଚିପ୍ସ ପ୍ୟାକେଟ୍ କିଣିଥିଲେ। ମଙ୍ଗଳବାର ରାତିରେ ସେ ତାହାକୁ ଅଧା ଖାଇ ଥୋଇ ଦେଇଥିଲେ। ବୁଧବାର ସକାଳେ ଜସ୍ମିତଙ୍କ ଝିଅ ସେହି ପ୍ୟାକେଟ୍କୁ ଖୋଲିବା ପରେ ସେଥିରେ ଏକ ମଲା ବେଙ୍ଗ ଥିବା ଦେଖିବାକୁ ପାଇଥିଲେ। ଏହି ଘଟଣାକୁ ନେଇ ଭୟଭୀତ ହୋଇ ତୁରନ୍ତ ଜାମନଗର ମହାନଗର ନିଗମ ସ୍ବାସ୍ଥ୍ୟ ଅଧିକାରୀଙ୍କୁ ଜଣାଇଥିଲେ। ସ୍ବାସ୍ଥ୍ୟ ବିଭାଗ ଅଧିକାରୀ ଜସ୍ମିତଙ୍କ ଘରେ ପହଞ୍ଚି ଚିପ୍ସ ପ୍ୟାକେଟ୍କୁ ଜବତ କରି ପରୀକ୍ଷା ପାଇଁ ପଠାଇଥିଲେ। ଏଥିସହ ସେହି ବ୍ୟାଚ୍ର ସମସ୍ତ ଚିପ୍ସକୁ ବିଭିନ୍ନ ଦୋକାନରୁ ଜବତ କରି ପରୀକ୍ଷା ପଠାଯାଇଛି। ଖାଦ୍ୟଦ୍ରବ୍ୟ ପ୍ରସ୍ତୁତକାରୀ କମ୍ପାନୀଙ୍କ ଏପରି ଦାୟିତ୍ବହୀନତା ଗ୍ରାହକଙ୍କ ସ୍ବାସ୍ଥ୍ୟ ପ୍ରତି କୁପ୍ରଭାବ ପକାଇବ ବୋଲି ଆଲୋଚନା ହେଉଛି।
Popular Categories
Previous article
Next article