ଝାରସୁଗୁଡ଼ା: ଗୁଜୁରାଟରୁ ଗଞ୍ଜାମ ଆସୁଥିବା ଜଣେ ପ୍ରବାସୀଙ୍କର ବସ ଭିତରୁ ମୃତଦେହ ଉଦ୍ଧାର କରାଯାଇଛି। ସୂଚନା ଅନୁସାରେ ଗୁରୁରାଟରୁ ଏକ ବସ ଯୋଗେ କେତେକ ପ୍ରବାସୀ ଛତିଶଗଡ଼ ରାୟଗଡ଼ ରାସ୍ତା ଦେଇ ୪୯ ନମ୍ବର ରାଜପଥରେ ଓଡ଼ିଶାର କନକତୋରା ଗେଟ ଦେଇ ଓଡ଼ିଶାକୁ ପ୍ରବେଶ କରିଥିଲେ। ସେମାନଙ୍କ ସ୍ୱାସ୍ଥ୍ୟବସ୍ଥା କନକତୋରା ଗେଟରେ ଥିବା ଡ଼ାକ୍ତର ଦଳ ଯାଞ୍ଚ କରିବା ସହିତ ଟ୍ରାଭେଲ ହିଷ୍ଟ୍ରି ରଖି ଓଡ଼ିଶାକୁ ପ୍ରବେଶ କରିଥିଲେ। ବୁଧବାର ରାତି ୧୦ ଟାରେ ବସଟି ଲଖନପୁର ବ୍ଲକ ପୁଞ୍ଜିପଥର ନିକଟରେ ପହଞ୍ଚିବାପରେ ବସରେ ଥିବା ଜଣେ ପୁରୁଷ ପ୍ରବାସୀଙ୍କ ମୃତ୍ୟୁ ହୋଇଯାଇଥିବା ବସରେ ଥିବା ଅନ୍ୟଯାତ୍ରୀମାନେ ଜଣିପାରି ବସଟିକୁ ପୁଞ୍ଜିପଥର ନିକଟରେ ରଖି ୧୦୦ ନମ୍ବରେ ଫୋନକରି ସ୍ଥାନୀୟ ପୁଲିସକୁ ଜଣାଇଥିଲେ।
ଘଟଣାସ୍ଥଳରେ ବ୍ରଜରାଜନର ଏସଡ଼ିପିଓ ଦିଲିପ ଦାସ, ଲଖନପୁର ଥାନା ଅଧିକାରୀ ବୈକୋଣ୍ଠ ବିହାରୀ ସେଠ ପହଞ୍ଚି ମେଡ଼ିକାଲ ଟିମ ଡ଼କାଇ ପିପିଇ କିଟ ପରିଧାନ କରି ମୃତଦେହକୁ ବସରୁ ବାହାରକରି ଝାରସୁଗୁଡ଼ା ଶବ ଗୃହକୁ ପଠେଇ ଦିଆଯାଇଛି। ବସରେ ଥିବା ଅନ୍ୟଯାତ୍ରୀଙ୍କୁ ଜିଲା ପ୍ରଶାସନ ପକ୍ଷରୁ ଖାଇବା ଓ ରହିବା ବ୍ୟବସ୍ଥା କରାଯାଇଛି। ତେବେ ମୃତକର ପରିଚୟ ଏଯାଏ ମିଳିପାରିନାହିଁ।
