ମୁମ୍ବଇ: କଲର୍ସ ଚ୍ୟାନେଲର ଲୋକପ୍ରିୟ କାର୍ଯ୍ୟକ୍ରମ ‘ଡାନ୍ସ ଦିଓ୍ବାନେ-୪’କୁ ମିଳିଯାଇଛି ଏହାର ବିଜେତା। ଶନିବାର ରାତିରେ ଅନୁଷ୍ଠିତ ଗ୍ରାଣ୍ଡ ଫାଇନାଲରେ ନିତିନ ଓ ଗୌରଗ ବିଜୟ ମୁକୁଟ ପିନ୍ଧିଛନ୍ତି। ଏହି ଅବସରରେ ବିଜେତାଙ୍କୁ ଟ୍ରଫି ସହ ୨୦ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି। ମାଧୁରୀ ଦୀକ୍ଷିତ ଓ ସୁନୀଲ ଶେଟ୍ଯୀଙ୍କ ଶୋ’ର ଫାଇନାଲରେ ୬ ଫାଇନାଲିଷ୍ଟ ଯୋଡ଼ିଙ୍କ ମଧ୍ୟ କଡ଼ା ଟକ୍କର ହୋଇଥିଲା। ଶେଷରେ ୫ ଯୋଡ଼ିଙ୍କୁ ପଛରେ ପକାଇ ନିତିନ-ଗୌରଗଙ୍କ ଯୋଡ଼ି ବିଜେତା ଟ୍ରଫି ହାସଲ କରିଛନ୍ତି। ବେଙ୍ଗାଲୁରୁର ନିତିନ ଓ ଦିଲ୍ଲୀର ଗୌରବ ଏହି କାର୍ଯ୍ୟକ୍ରମରେ ପ୍ରଥମରୁ ହିଁ ପରସ୍ପରଙ୍କୁ ସାହାଯ୍ୟ କରି ଆସୁଥିଲେ ଏବଂ ନିଜ ଦମ୍ଦାର୍ ନୃତ୍ୟ ଜରିଆରେ ଦର୍ଶକଙ୍କ ସହ ବିଚାରକଙ୍କ ପ୍ରିୟ ହୋଇପାରିଥିଲେ।
