କଟକ: ସାଂସଦ ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ବିବାଦ ଥମୁନି । ସାଂସଦ ଅନୁଭବଙ୍କ କର୍ମଚାରୀ ସୁଜିତ୍ ଦଳେଇଙ୍କୁ ଜାତିଆଣ ଆକ୍ଷେପ କରିବା ଅଭିଯୋଗକୁ ଆଧାର କରି ବର୍ଷାଙ୍କ ନାଁରେ ଦିଲ୍ଲୀ ପୁଲିସରେ ଏକ ମାମଲା ରୁଜୁ ହୋଇଛି । ବର୍ଷାଙ୍କ ସହ ତାଙ୍କ ଝିଆରୀ ଓ ମା’ଙ୍କୁ ବି ସମନ ଜାରି ହୋଇଥିବା ଜଣାପଡିଛି । ପୁରୀଘାଟ ଥାନା ମାଧ୍ୟମରେ ଦିଲ୍ଲୀ ପୁଲିସ ବର୍ଷାଙ୍କୁ ଏହି ସମନ ଜାରି କରିଛି । ବର୍ଷା ଥାନାକୁ ଆସି ସମନ ନେଇଥିବା ଜଣାପଡିଛି।
ସାଂସଦ ଅନୁଭବ ମହାନ୍ତିଙ୍କ କର୍ମଚାରୀ ସୁଜିତଙ୍କୁ ଜାତିଆଣ ମନ୍ତବ୍ୟ ଦେଇ ଗାଳି ସହ ଦୁର୍ବ୍ୟବହାର ହୋଇଥିବା ଅଭିଯୋଗ ଉଠିଥିଲା । ୨୦୧୯ ଜୁଲାଇ ୯ ତାରିଖର ଘଟଣାବଳୀକୁ ୨୦୨୨ ଜୁଲାଇରେ ଦିଲ୍ଲୀ ପଲିସ ମାମଲା ପଞ୍ଜିକୃତ କରିବା ପରେ ଏବେ ବର୍ଷାଙ୍କ ଅଡୁଆ ବଢିଛି । ଏହି ମାମଲାରେ ବର୍ଷାଙ୍କ ସହିତ ତାଙ୍କ ଝିଆରୀ ଏବଂ ତାଙ୍କ ମା’ ନଁାରେ ଦିଲ୍ଲୀ ପୁଲିସ ସମନ ଜାରି କରିଛି। ବଡକଥା ହେଉଛି ଗତ ୨୫ ତାରିଖରେ ଦିଲ୍ଲୀର ଏକ ଟିମ୍ ନିକଟରେ କଟକ ଆସିଥିଲା।
Comments are closed.