କଟକ: ବିଡ଼ାନାସୀ ବଜାରରେ ଥିବା ପାଣି ଟାଙ୍କି ନିକଟରେ ଜଣେ ମହିଳାଙ୍କ ମୃତଦେହ ପଡ଼ି ରହିଥିବା ଦେଖିବାକୁ ମିଳିଛି । ମହିଳା ଜଣଙ୍କୁ କେହି ଦୁର୍ବୃତ୍ତ ହତ୍ୟା କରି ଫିଙ୍ଗି ଦେଇଥିବା ଅନୁମାନ କରାଯାଉଛି । କାରଣ ମୃତ ମହିଳାଙ୍କ ନିକଟରେ ମଦ ବୋତଲ ପଡ଼ିରହିଥିବା ଦେଖିବାକୁ ମିଳିଛି । ଏନେଇ ଖବର ପାଇବା ପରେ ଘଟଣାସ୍ଥଳରେ ବିଡ଼ାନାସୀ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ମହିଳା ଜଣଙ୍କୁ କିଏ ହତ୍ୟା କଲା ? କ’ଣ ପାଇଁ ହତ୍ୟା କରାଯାଇ ତାଙ୍କୁ ଏଠାରେ ଫିଙ୍ଗି ଦିଆଯାଇଛି ? ମହିଳାଙ୍କ ହତ୍ୟା ପଛରେ କେତେ ଜଣ ବ୍ୟକ୍ତିଙ୍କ ରହିଛି ହାତ ? ମୃତ ମହିଳାଙ୍କ ଘର କେଉଁଠି ? ନା ମହିଳା ଜଣକ ଆତ୍ମହତ୍ୟା କରିଛନ୍ତି ? ଏପରି ଅନେକ ପ୍ରଶ୍ନର ଉତ୍ତର ଖୋଜୁଛି ପୁଲିସ । ଏ ସବୁର ଉତ୍ତର ପୁଲିସ ଜାଣିବାକୁ ଲୋକଙ୍କ ଠାରୁ ପଚାରି ବୁଝୁଥିବା ଦେଖିବାକୁ ମିଳିଛି । ହେଲେ ମହିଳାଙ୍କ ପରିଚୟ ଅସ୍ପଷ୍ଟ ରହିଛି ।
Comments are closed.