ସୁଆଦିଆ ମଟନ ତରକାରୀ

ଆବଶ୍ୟକ ସାମଗ୍ରୀ
ମଟନ – ୫୦୦ ଗ୍ରାମ
କଟା ପିଆଜ – ୧କପ
ଗୋଟା ଧନିଆ – ୧ଚାମଚ
ଦହି – ୨କପ
କଟା ରସୁଣ – ୨ଟି
କଟା ଅଦା – ଅଳ୍ପ
ଲଙ୍କା ଗୁଣ୍ଡ – ଆବଶ୍ୟକ ପରିମାଣରେ
ହଳଦୀ ଗୁଣ୍ଡ – ଆବଶ୍ୟକ ପରିମାଣରେ
ଲୁଣ – ଆବଶ୍ୟକ ପରିମାଣରେ
ଗରମ ମସଲା – ୧ଚାମଚ
ଲବଙ୍ଗ – ୪ଟି
ଗୋଲମରିଚ – ୮ଟି
ଗୁଜୁରାତି – ୪ଟି
ଡ଼ାଲଚିନି – ୧ଟି
ଘିଅ – ଆବଶ୍ୟକ ପରିମାଣରେ
ଧନିଆ ପତ୍ର – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ର୍ରଣାଳୀ – ପ୍ରଥମେ ମାଂସକୁ ଭଲ ଭାବେ ଧୋଇ ରଖନ୍ତୁ। ଏବେ ଏକ ପାତ୍ରରେ ଦହି, ପିଆଜ, ଅଦା, ରସୁଣ, ଲଙ୍କା ଗୁଣ୍ଡ, ହଳଦୀ , ଲବଙ୍ଗ, ଗୁଜୁରାତି, ଗୋଲମରିଚ, ଡ଼ାଲଚିନି ପକାଇ ଭଲ ଭାବେ ଗୋଳାଇ ମିଶ୍ରଣ ପ୍ରସ୍ତୁତ କରନ୍ତୁ। ଏବେ ଏହି ମିଶ୍ରଣରେ ଧୋଇ ରଖିଥିବା ମଟନକୁ ପକାଇ ଗୋଳାଇ ୪୦ ରୁ ୪୫ ମିନିଟ ରଖି ଦିଅନ୍ତୁ। ଏବେ ଗ୍ୟାସରେ କଡ଼େଇ ବସାଇ ଏଥିରେ ଗୋଟା ଧନିଆ ପକାଇ କିଛି ସମୟ ଭାଜନ୍ତୁ। ଭାଜିବା ପରେ ଏହାକୁ ଏକ ପାତ୍ରକୁ କାଢି ଥଣ୍ଡା ହେବା ପରେ ରଖିଥିବା ମିଶ୍ରଣରେ ଧନିଆ ପକାଇ ଗୋଳାଇ ଦିଅନ୍ତୁ। ଏବେ ଗ୍ୟାସରେ କଡ଼େଇ ବସାଇ ଘିଅ ଗରମ କରନ୍ତୁ। ଘିଅ ଗରମ ହେବା ପରେ ଏଥିରେ ରଖିଥିବା ମିଶ୍ରଣକୁ ପକାନ୍ତୁ। ମାଂସ ମିଶ୍ରଣ ପକାଇବା ପରେ ସାମାନ୍ୟ ପାଣି , ଗରମ ମସଲା, ଲୁଣ ପକାଇ ଭଲ ଭାବେ କଷନ୍ତୁ। କଷିବା ପରେ ୨୦ ମିନିଟ ଗ୍ୟାସରେ ବସାନ୍ତୁ। ୨୦ ମିନିଟ ପରେ ଧନିଆପତ୍ର ପକାଇ ଏହାକୁ ଗ୍ୟାସରୁ ଓହ୍ଲାଇ ଦିଅନ୍ତୁ। ପ୍ରସ୍ତୁତ ହୋଇଗଲା ସୁଆଦିଆ ମଟନ ତରକାରୀ।