ଆବଶ୍ୟକ ସାମଗ୍ରୀ
ମାଂସ – ୫୦୦ ଗ୍ରାମ
ତେଲ – ଆବଶ୍ୟକ ଅନୁଯାୟୀ
ଏକ ବଡ଼ ମାଟି ପାତ୍ର
କଟା ପିଆଜ – ୨ଟି
ଗୋଟା ରସୁଣ – ୪ଟି
ଅଦା ରସୁଣ ବଟା – ଆବଶ୍ୟକ ଅନୁଯାୟୀ
କଟା ଟମାଟୋ – ୧ଟି
ଲୁଣ – ଆବଶ୍ୟକ ଅନୁଯାୟୀ
ଗୋଟା – ଡ଼ାଲଚିନି , ଗୁଜୁରାତି, ଲବଙ୍ଗ, ବଡ଼ ଅଳେଇଚ , ତେଜପତ୍ର
କଟା ଧନିଆ ପତ୍ର – ଅଳ୍ପ
ଗରମ ମସଲା – ଅଳ୍ପ
ଧନିଆ ଗୁଣ୍ଡ – ଅଳ୍ପ
ହଳଦୀ ଗୁଣ୍ଡ – ଆବଶ୍ୟକ ଅନୁଯାୟୀ
ଲଙ୍କା ଗୁଣ୍ଡ – ଆବଶ୍ୟକ ଅନୁଯାୟୀ
ଅଳ୍ପ – ଘିଅ
ପ୍ରସ୍ତୁତି ପ୍ରଣାଳୀ – ପ୍ରଥମେ ମଟନକୁ ଧୋଇ ସେଥିରେ ଅଳ୍ପ ତେଲ , ହଳଦୀ ଗୁଣ୍ଡ, ଲଙ୍କା ଗୁଣ୍ଡ , ଧନିଆ ଗୁଣ୍ଡ, ଅଦା ରସୁଣ ବଟା ଗୋଳାଇ ଏକ ପାତ୍ରରେ ୩୦ ମିନିଟ ରଖି ଦିଅନ୍ତୁ। ଏବେ ଗ୍ୟାସରେ ମାଟି ପାତ୍ର ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ସମସ୍ତ ଗୋଟା ମସଲା ଗୁଜୁରାତି , ଡ଼ାଲଚିନି, ଅଳେଇଚ , ତେଜପତ୍ର ପକାନ୍ତୁ। ଏହା ପରେ କଟା ପିଆଜ, ଗୋଟା ରସୁଣ, ଅଦା ରସୁଣ ବଟା , ହଳଦୀ ଗୁଣ୍ଡ , ଲଙ୍କା ଗୁଣ୍ଡ, ଲୁଣ ପକାଇ ଭାଜନ୍ତୁ। ଭାଜିବା ପରେ ପାତ୍ରରେ ରଖିଥିବା ମଟନକୁ ପକାଇ କଷନ୍ତୁ। ଭଲ ଭାବେ କଷି ହେବା ପରେ କଟା ଟମାଟୋ ପକାଇ ପାଣି ଦେଇ ୩୦ ମିନିଟ ଗ୍ୟାସରେ ବସାନ୍ତୁ। ୩୦ ମିନିଟ ପରେ ଗରମ ମସଲା, କଟା ଧନିଆ ପତ୍ର ଅଳ୍ପ ଘିଅ ପକାଇ ୧୦ ମିନିଟ ବସାନ୍ତୁ। ଏହା ପରେ ଏକ ପାତ୍ରକୁ କାଢି ଗରମାଗରମ ଖାଆନ୍ତୁ।
