ଦହି ଭେଣ୍ଡି

ଆବଶ୍ୟକ ସାମଗ୍ରୀ
ଭେଣ୍ଡି – ୩୦୦ ଗ୍ରାମ
କଟା ପିଆଜ – ୧ଟି
ଦହି – ୧କପ
ଗୋଟା ଲଙ୍କା – ୨ଟି
ଲଙ୍କା ଗୁଣ୍ଡ – ଅଳ୍ପ
ଭୁସଙ୍ଗ ପତ୍ର – ଅଳ୍ପ
ଜିରା – ଅଳ୍ପ
ଧନିଆ ଗୁଣ୍ଡ – ଅଳ୍ପ
ହଳଦୀ ଗୁଣ୍ଡ – ଅଳ୍ପ
ବେସନ – ଅଳ୍ପ
ତେଲ – ଆବଶ୍ୟକ ପରିମାଣରେ
କଟା ଧନିଆ ପତ୍ର – ଅଳ୍ପ
ଲୁଣ – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ରଣାଳୀ – ଭେଣ୍ଡିର ପ୍ରଥମ ଭାଗରୁ ଓ ଶେଷ ଭାଗରୁ ଅଳ୍ପ କାଟି ଦିଅନ୍ତୁ। ଏହାପରେ ଗ୍ୟାସରେ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଭେଣ୍ଡି ପକାଇ ୧୦ ମିନିଟ ଭାଜନ୍ତୁ। ଭାଜିବା ପରେ ଏକ ପାତ୍ରକୁ କାଢି ରଖନ୍ତୁ। ଏବେ ଅଧ କପ ପାଣିରେ ବେସନ ଓ ଦହି ଭଲ ଭାବେ ମିଶାଇ ଦିଅନ୍ତୁ। କଡ଼େଇରେ ପୁଣି ଅଳ୍ପ ତେଲ ପକାଇ ଗରମ କରି ଦିଅନ୍ତୁ। ଏହାପରେ ଏଥିରେ ଜିରା, ପିଆଜ, ଭୁସଙ୍ଗ ପତ୍ର, ଲଙ୍କା ପକାଇ ଭାଜନ୍ତୁ। ଏବେ ଏଥିରେ ଦହି ଓ ବେସନର ମିଶ୍ରଣ ପକାଇ ଗୋଳାଇ ଦିଅନ୍ତୁ। ଗୋଳାଇବା ପରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଲୁଣ ପକାଇ ପୁଣି ଗୋଳାନ୍ତୁ। ୧ ମିନିଟ ପରେ ଏଥିରେ ଭଜା ହୋଇଥିବା ଭେଣ୍ଡି ପକାଇ ୨ ମିନିଟ ଗ୍ୟାସରେ ବସାନ୍ତୁ। ୨ମିନିଟ ପରେ ଏକ ପାତ୍ରକୁ କାଢି କଟା ଧନିଆ ପତ୍ର ପକାଇ ସଜାଇ ଦିଅନ୍ତୁ। ପ୍ରସ୍ତୁତ ହୋଇଗଲା ଦହି ଭେଣ୍ଡି।