କଟକ: କଟକ-ଭୁବେନେଶ୍ୱର ଜାତୀୟ ରାଜପଥର ତେଲେଙ୍ଗାପେଣ୍ଠ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ରାସ୍ତା ପାର୍ ହେବା ସମୟରେ ଯୁବକଙ୍କ ଉପରେ ମାଡିଗଲା ଟ୍ରକ୍। ମୃତକ ବଡମ୍ବା ଥାନା ବିଦ୍ୟାଧରପୁର ଗାଁର ପ୍ରଭାତ ପ୍ରଧାନ ବୋଲି ଜଣାପଡିଛି। ପ୍ରଭାତ ଭୁବନେଶ୍ୱର ମଞ୍ଚେଶ୍ୱର ଅଞ୍ଚଳର ଏକ ସଂସ୍ଥାରେ କାର୍ଯ୍ୟ କରୁଛନ୍ତି। ଗତକାଲି ରାତିରେ ପ୍ରଭାତ କୌଣସି ଏକ ଜରୁରୀ କାମରେ କଟକ ସଦର ଥାନାର ତେଲେଙ୍ଗାଫେଣ୍ଠ ଅଂଚଳକୁ ଆସିଥିଲେ l ରାତିପ୍ରାୟ ୧୨ଟା ସମୟରେ ପ୍ରଭାତ ରାସ୍ତା ପାରି ହେଉଥିବା ବେଳେ କଟକରୁ ଭୁବନେଶ୍ୱର ଆଡକୁ ଯାଉଥିବା ଏକ ଟ୍ରକ ତାଙ୍କୁ ଧକ୍କାଦେଇ ଚଡିଯାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟ ଘଟିଥିଲା। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
- Advertisement -
