ପାଟନା : ଦେଶଦ୍ରୋହ ମାମଲାରେ ଛନ୍ଦି ହୋଇପଡ଼ିଥିବା ଜେଏନ୍ୟୁ ଛାତ୍ର ସଂସଦର ପୂର୍ବତନ ସଭାପତି ତଥା ସିପିଆଇ ନେତା କହ୍ନେୟା କୁମାରଙ୍କ ବେଗୁସରାଇରୁ ଲୋକସଭା ପ୍ରାର୍ଥୀତ୍ବ ପାଇଁ ସିପିଆଇ ନେତା ଡି. ରାଜା ରାଞ୍ଚି କାରାଗାରରେ ଲାଲୁଙ୍କୁ ଭେଟିବେ ବୋଲି ଦଳ ପକ୍ଷରୁ କୁହାଯାଇଛି। ତାଙ୍କ ବିରୋଧରେ ଅଭିଯୋଗଫର୍ଦ ଦାଖଲ ସତ୍ତ୍ବେ କହ୍ନେୟା କୁମାର ଆଗାମୀ ଲୋକସଭା ନିର୍ବାଚନ ଲଢିବେ ବୋଲି ସିପିଆଇ ପକ୍ଷରୁ ସ୍ପଷ୍ଟ କରିଛି। ସେ ବେଗୁସରାଇରୁ କହ୍ନେୟା ପ୍ରତିଦ୍ବନ୍ଦ୍ବିତା କରିବେ ବୋଲି ଦଳ ସୂଚନା ଦେଇଛି। ଏ ନେଇ ଆର୍ଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ସହିତ କ୍ରମାଗତ ଭାବେ ଯୋଗାଯୋଗ ଜାରି ରହିଛି। ଅନ୍ୟପଟେ ଆର୍ଜେଡି କହ୍ନେୟାଙ୍କୁ ସମର୍ଥନ କରୁ ନ ଥିବା ନେଇ ଗଣମାଧ୍ୟମରେ ପ୍ରକାଶିତ ଖବରକୁ ସିପିଆଇ ଅସ୍ବୀକାର କରିଛି। ସୂଚନା ମୁତାବକ ବିହାରରେ ତିନ ଆସନ ଯଥା ବେଗୁସରାଇ, ଉଜିଆରପୁର ଓ ବିଭୁତିପୁରରେ ପ୍ରତିଦ୍ବନ୍ଦ୍ବିତା କରିବା ଲାଗି ସିପିଆଇ ଆରଜେଡି ସହିତ ଆଲୋଚନା କରୁଛି।
Popular Categories
Previous article
Next article