ବେଙ୍ଗାଲୁରୁ : ଲୋକସଭାରେ କଂଗ୍ରେସ ସାଂସଦ ଦଳ ନେତା ମଲ୍ଲିକାର୍ଜୁନ ଖାର୍ଗେଙ୍କ ମୋବାଇଲ ଫୋନ୍କୁ କିଛି ମାସ ହେବ ଧମକପୂର୍ଣ୍ଣ କଲ୍ ଆସୁଥିବା ରବିବାର ସେ ଅଭିଯୋଗ କରିଛନ୍ତି । ଏନେଇ ସେ ଲୋକସଭା ବାଚସ୍ପତି ସୁମିତ୍ରା ମହାଜନ ଏବଂ କେନ୍ଦ୍ର ମନ୍ତ୍ରୀ ରାଜନାଥ ସିଂହଙ୍କୁ ଅବଗତ କରାଇଥିବା କହିଛନ୍ତି । ଏନେଇ ସେ ଦୁଇ ମାସ ତଳେ ଦିଲ୍ଲୀର ତୁଗଲକ୍ ଥାନାରେ ଏତଲା ଦାୟର କରିଛନ୍ତି । କିପ୍ରକାର ଧମକପୂର୍ଣ୍ଣ କଲ ଆସୁଛି ତାହା ଖାର୍ଗେ ଉଲ୍ଲେଖ କରିନାହାନ୍ତି । ଏ ଘଟଣାକୁ ରାଜନୈତିକ ପ୍ରସଙ୍ଗ ନ କରିବାକୁ ସେ ଏଡାଇ ଚାଲିଥିଲେ, କିନ୍ତୁ ଧମକପୂର୍ଣ୍ଣ କଲ ଆସିବା ବନ୍ଦ ନହେବାରୁ ଏହାକୁ ସେ ସାର୍ବଜନୀନ କରିବାକୁ ବାଧ୍ୟ ହେଲେ ବୋଲି କହିଛନ୍ତି ।
