ଡେସ୍କ: ଗୁଜୁରାଟ ମୋରବି ଝୁଲାପୋଲ ଦୁର୍ଘଟଣାରେ ନୂଆ ମୋଡ଼ ଆସିଛି। ଏ ନେଇ ମୋରବି ମୁନିସିପାଲିଟି ହାଇକୋର୍ଟକୁ ଅବଗତ କରିଛି ଯେ ଝୁଲାପୋଲ ରକ୍ଷଣାବେକ୍ଷଣ ଓ ମରାମତି ଦାୟିତ୍ୱ ନେଇଥିବା କମ୍ପାନୀ କୌଣସି ଅନୁମତି ନ ନେଇ ଓ ମରାମତି ସମ୍ପର୍କରେ ନ ଜଣାଇ ସାଧାରଣ ଯାତ୍ରୀଙ୍କ ବ୍ୟବହାର ପାଇଁ ଖୋଲିଦେଇଥିଲା। ଏହି ଦୁର୍ଘଟଣାରେ ୧୩୫ ଜଣ ପ୍ରାଣ ହରାଇଥିଲେ।
ହାଇକୋର୍ଟରେ ଦାଖଲ କରିଥିବା ସତ୍ୟପାଠରେ ମୋରବି ମୁନିସିପାଲିଟି କହିଛି ଯେ ୨୦୨୨ ମାର୍ଚ୍ଚ ୮ରେ ହୋଇଥିବା ବୁଝାମଣା ଅନୁଯାୟୀ, ଅଜନ୍ତା କମ୍ପାନୀ (ଓରେଭା ଗ୍ରୁପ) ୮ରୁ ୧୨ ମାସ ସମୟ ମଧ୍ୟରେ ଏହାର ନବୀକରଣ କରିବା ପରେ ସାଧାରଣ ଲୋକଙ୍କ ବ୍ୟବହାର ପାଇଁ ଉନ୍ମୁକ୍ତ ହେବ। କିନ୍ତୁ ଅକ୍ଟୋବର ୩୦ରେ ଅର୍ଥାତ ପୋଲ ଖୋଳାଯିବାର ମାତ୍ର ୫ ଦିନ ପରେ ଏହି ଝୁଲାପୋଲ ଛିଡି ଯିବା ପରେ ନଦୀ ମଧ୍ୟକୁ ଖସିପଡି ୧୩୫ ଜଣ ପ୍ରାଣ ହରାଇଥିଲେ। ତେବେ ବ୍ୟବହାର ପାଇଁ ଅନୁମତି ନ ଥାଇ ମଧ୍ୟ କାହିଁକି ମରାମତି କରୁଥିବା କମ୍ପାନୀ ଏହାର ବ୍ୟବହାର ପାଇଁ ଖୋଲିଥିଲା, ତାହାର କାରଣ ଜାଣିବାକୁ ଚାହିଁଥିଲେ।
