ଆଠଗଡ : ଆଠଗଡ ଥାନା ଅନ୍ତର୍ଗତ କୁଲାଇଲୋ ପଞ୍ଚାୟତର ଶିଳାପାଟ ଗ୍ରାମରେ ଜଣେ ନାବାଳିକାକୁ କମେଣ୍ଟ ମରା ଘଟଣାକୁ ନେଇ ଅପ୍ରୀତିକର ପରିସ୍ଥିତ ସୃଷ୍ଟି ହୋଇଛି । ଏ ସଂପର୍କରେ ଆଠଗଡ ଥାନାରେ ୨ଟି ମାମଲା ରୁଜୁ ହୋଇଥିବାବେଳେ ଗଣ୍ଡଗୋଳରେ ସଂପୃକ୍ତ ୨ଜଣଙ୍କୁ ଗିରଫ କରି ପୁଲିସ କୋର୍ଟ ଚାଲାଣ କରିଥିବାବେଳେ ଅନ୍ୟଜଣଙ୍କୁ ଅଟକ ରଖିଥିବା ଆଇଆଇସି ବାମଦେବ ସ୍ୱାଇଁଙ୍କ ସୁତ୍ରରୁ ପ୍ରକାଶ। ବିବରଣୀରୁ ପ୍ରକାଶ ଶିଳାପାଟ ଗ୍ରାମର ସଦାନନ୍ଦ ଟୋକରୀଙ୍କ ପୁଅ ପୁପୁନା ଓରଫ ଟୁକୁନା ଟୋକରୀ ସେହି ଗ୍ରାମର ଜଣେ ନାବାଳିକାକୁ ବାରମ୍ବାର ଅଶ୍ଳୀଳ କମେଣ୍ଟ କରିଆସୁଥିଲେ। ବିବାହିତ ଥିବା ଟୁକୁନାଙ୍କର ଏଭଳି କାର୍ଯ୍ୟକଳାପକୁ ଗ୍ରାମବାସୀ ବିରୋଧ କରିବା ସହ ଏଥିରୁ ନିବୃତ୍ତ ରହିବା ପାଇଁ ଯେତେ କହିଲେ ମଧ୍ୟ କମେଣ୍ଟ କମିବା ପରିବର୍ତ୍ତେ ବଢି ଚାଲିଥିଲା । ରବିବାର ଏହି ଘଟଣାକୁ ନେଇ ନାବାଳିକାଙ୍କ ସଂପର୍କୀୟ ରାକେଶ ଦେହୁରୀ ଓ ଗେଟୁଆ ଓରଫ ନାଲୁ ଦେହୁରୀ ବିରୋଧ କରିବାରୁ ଉଭୟ ଗୋଷ୍ଠୀଙ୍କ ମଧ୍ୟରେ ଉଚ୍ଚବାଚ ହୋଇ ତାହା ଗଣ୍ଡଗୋଳର ରୂପ ନେଇଥିଲା । ଉଭୟ ପକ୍ଷର ଏତଲାକୁ ଭିତ୍ତି କରି ପୁଲିସ ରାକେଶ ଓ ନାଲୁକୁ ଗିରଫ କରି କୋର୍ଟ ଚାଲାଣ କରିଥିବାବେଳେ କମେଣ୍ଟ କରୁଥିବା ଅଭିଯୁକ୍ତ ଟୁକୁନାକୁ ଅଟକ ରଖିଛି ଏବଂ ଆସନ୍ତାକାଲି ତାକୁ ମଧ୍ୟ କୋର୍ଟ ଚାଲାଣ କରାଯିବ ବୋଲି ଆଇଆଇସି କହିଛନ୍ତି।
Comments are closed.