ହରଭଙ୍ଗା : ହରଭଙ୍ଗା ବ୍ଲକର ଦୁର୍ଗମ ପଞ୍ଚାୟତ ଭାବେ ଜଣାଶୁଣା ଆଡେଣିଗଡ ପଞ୍ଚାୟତ ସଦର ମହକୁମାରେ ସୋମବାର ବୌଦ୍ଧ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ମିଳିତ ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବର୍ଷା ସତ୍ତ୍ବେ ଦୁର୍ଗମ ଅଞ୍ଚଳରୁ ୧୪୨ଟି ଅଭିଯୋଗର ପଞିକରଣ ହୋଇଥିଲା। ସେଥିରୁ ୧୩୭ଟି ବ୍ୟକ୍ତିଗତ, ୫ଟି ସାମୁହିକ,୧୪ଟି ମୁଖ୍ୟମନ୍ତ୍ରୀ ରିଲିଫ ପାଣ୍ଠି ଏବଂ ଗୋଟିଏ ରେଡକ୍ରସ ସହାୟତ ସଂପର୍କିତ ଅଭିଯୋଗ ରହିଥିଲା। ସେଥିରୁ ଜିଲ୍ଲାପାଳ ସତ୍ୟରଞନ ସାହୁ ୭୫ଟି ଅଭିଯୋଗର ଶୁଣାଣି କରି ସେଗୁଡିକର ସମାଧାନ ପାଇଁ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଥିଲେ। ଆଜିର କାର୍ଯ୍ୟକ୍ରମରେ ଜିଲ୍ଲାପାଳଙ୍କ ସହିତ ବୌଦ୍ଧ ଏସ.ପି ପ୍ରହଲ୍ଲାଦ ସାହାଇ ମୀନା,ଉପଜିଲ୍ଲାପାଳ ସନତ କୁମାର ନାଏକ, ପି.ଡି ଅଶ୍ୱିନୀ କୁମାର ମେହେର, ହରଭଙ୍ଗା ବିଡିଓ ଶ୍ମିତା ରଥ, ଅତିରିକ୍ତ ତହସିଲଦାର ହରଓମ ଭୋଇ ପ୍ରମୁଖ ଜିଲ୍ଲାସ୍ତରୀୟ ପଦାଧିକାରୀ ସାମିଲ ଥିଲେ।
Comments are closed.