ଭୁବନେଶ୍ୱର: କଂଗ୍ରେସରୁ ଇସ୍ତଫା ଦେଇଛନ୍ତି ବରିଷ୍ଠ ନେତା ତଥା ଜଗତସିଂହପୁରର ପୂର୍ବତନ ବିଧାୟକ ଚିରଞ୍ଜୀବ ବିଶ୍ୱାଳ। ପିସିସି ସଭାପତିଙ୍କ ନିକଟକୁ ଚିରଞ୍ଜୀବ ଇସ୍ତଫା ପତ୍ର ପଠାଇଛନ୍ତି। ୨୦୧୪ରୁ ୨୦୧୯ ପର୍ଯ୍ୟନ୍ତ ବିଧାୟକ ଥିଲେ ଚିରଞ୍ଜୀବ। ଦୀର୍ଘ ଦିନ ଧରି କଂଗ୍ରେସ ଦଳରେ ସେ ରହିବା ସହ ବେଶ ସକ୍ରିୟ ଭାବେ କାର୍ଯ୍ୟ କରୁଥିଲେ। ଏପରିିକି ବିଧାନସଭାରେ ବିରୋଧୀ ଦଳର ଉପନେତା ଭାବେ ମଧ୍ୟ କଂଗ୍ରେସ ସ୍ୱରକୁ ଶାଣିତ କରିଥିଲେ । ହେଲେ ୨୦୨୪ ନିର୍ବାଚନ ପୂର୍ବରୁ କାହିଁକି ଦଳ ଛାଡିଲେ ତାହାକୁ ନେଇ ଚର୍ଚ୍ଚା ହେଉଛି। ଚିରଞ୍ଜୀବ କଂଗ୍ରେସ ଛାଡିବା ଫଳରେ ଦଳକୁ ଶକ୍ତ ଝଟକା ଲାଗିଛି। ଆଗାମି ଦିନରେ ସେ କେଉଁ ଦଳକୁ ଯିବେ ତାହା ଉପରେ ନଜର ରହିଛି। 
Comments are closed.