ଗୋପାଳପୁର : ଆଇ ଏସ ଆର୍ ଡି ଓ ଚାଇଲ୍ଡ ଲାଇନ ବ୍ରହ୍ମପୁର ତରଫରୁ ଡୁରା ପଞ୍ଚାୟତର ରାଜୀବ ଗାନ୍ଧୀ ସେବା କେନ୍ଦ୍ରଠାରେ ଶିଶୁମାନଙ୍କ ଉଦ୍ଦେଶ୍ୟରେ ମନୋସାମାଜିକ ସହାୟତା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଚାଇଲ୍ଡ ଲାଇନର କେନ୍ଦ୍ର ସଂଯୋଜକ ସାଇ ପ୍ରସାଦ ସାମଲଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଅନୁଷ୍ଠାନର ପ୍ରିୟଙ୍କା ବେହେରା ଅତିଥି ପରିଚୟପ୍ରଦାନ କରିଥିଲେ। ଡୁରା ପଞ୍ଚାୟତର ସରପଞ୍ଚ ପ୍ରତିନିଧି କେ. କ୍ରିଷ୍ଣା ରେଡ୍ଡୀ ପ୍ରଦୀପ ପ୍ରଜ୍ବଳନ କରିବା ସହ ସଭା କାର୍ୟ୍ୟର ଶୁଭାରମ୍ଭ କରିଥିଲେ।
ଚାଇଲ୍ଡ ଲାଇନର ସହନିର୍ଦ୍ଦେଶକ ପ୍ରଭୁ ପ୍ରସାଦ ପାତ୍ର ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ରେଳବାଇ ଚାଇଲ୍ଡ ଲାଇନ ହେଲ୍ପ ଡେସ୍କର କେନ୍ଦ୍ର ସଂଯୋଜକ କଲ୍ୟାଣ କୁମାର ସିଂହ, ମୁଖ୍ୟ ବକ୍ତା ଥିଲେ ନିର୍ମାତାର ନିର୍ଦ୍ଦେଶକ ଗୋରାଚାନ୍ଦ ଭଟ୍ଟମିଶ୍ର, ଡୁରା ପଞ୍ଚାୟତ ନିର୍ବାହୀ ଅଧିକାରୀ ନିରଞ୍ଜନ ମହାରଣା, ସାମାଜସେବୀ ଜଗନ୍ନାଥ ରାଉଳ ପ୍ରମୁଖ ଉପସ୍ଥିତ ରହି ଶିଶୁଙ୍କୁ ସମସ୍ତ ପ୍ରକାର ହିଂସା, ବିପଦ ରୁ ସୁରକ୍ଷା ଦେବା, ବାଲ୍ୟ ବିବାହ ବନ୍ଦ କରିବା, ଲିଙ୍ଗ ଗତ ଓ ଜାତି ଗତ ଭେଦଭାବ ଦୂର କରିବା, ଶିଶୁଙ୍କୁ ସମ୍ପୂର୍ଣ୍ଣ ବିକଶିତ ହେବାପାଇଁ ସୁଯୋଗ ଦେବା ଉପରେ ଗୁରୁତ୍ୱାରୋପ ପ୍ରଦାନ କରିଥିଲେ। ଏହି କାର୍ୟ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପଞ୍ଚାୟତର ୱାର୍ଡ ସଭ୍ୟ, ଅଙ୍ଗନୱାଡ଼ି କର୍ମୀ ଉପସ୍ଥିତ ଥିଲେ। ଚାଇଲ୍ଡ ଲାଇନର ସଭ୍ୟ ପ୍ରଣତି କୌର, ପ୍ରଭାତ କୁମାର ପାଢ଼ୀ, ରଞ୍ଜିତ କୁମାର ବେହେରା, ଶମ୍ଭୁ ପ୍ରସାଦ ପାତ୍ର ସଭା କାର୍ୟ୍ୟକୁ ପରିଚାଳନା କରିଥିଲେ। ସଭା ଶେଷରେ ଅଙ୍ଗନୱାଡ଼ି କର୍ମୀ ଲଳିତା ନାୟକ ଧନ୍ୟବାଦ ଅର୍ପଣ କରିଥିଲେ।
Comments are closed.