ବ୍ରହ୍ମପୁର/ଚିକିଟି : ଗଞ୍ଜାମ ଜିଲା ଚିକିଟିରେ ଅପମିଶ୍ରିତ ମଦ ପିଇ ଚିକିତ୍ସିତ ହେଉଥିବା ଆଉ ଜଣେ ଅସୁସ୍ଥ ବ୍ୟକ୍ତିଙ୍କ ମୃତ୍ୟୁ ହୋଇଛି। ଏମକେସିଜି ମେଡିକାଲର ଆଇସିୟୁରେ ଚିକିତ୍ସିତ ହେଉଥିବା ଚିକିଟି ଜେନାପୁରର ପ୍ରଦୀପ କୁମାର ବେହେରା ଙ୍କ ସୋମବାର ସନ୍ଧ୍ୟାରେ ମୃତ୍ୟୁ ହୋଇଛି। ପ୍ରଦୀପଙ୍କୁ ମିଶାଇ ଅପମିଶ୍ରିତ ମଦ ପିଇ ମୃତ୍ୟୁ ସଂଖ୍ୟା ୫ରେ ପହଞ୍ଚିଛି। ପ୍ରାଣ ହରାଇଥିବା ପ୍ରଦୀପ ଜଣେ ଦିନ ମଜୁରିଆ ଥିଲେ। ତାଙ୍କ ଘରେ ସ୍ତ୍ରୀ ଓ ଦୁଇ ଝିଅଙ୍କ ସମେତ ଜଣେ ଭଉଣୀ ରହିଛନ୍ତି। ପ୍ରଦୀପଙ୍କ ମୃତ୍ୟୁ ପରେ ତାଙ୍କ ଘର ପୁରୁଷ ଶୂନ୍ୟ ହୋଇଯାଇଛି। ଗତ ୧୯ରେ ଘଟିଥିବା ମଦମୃତ୍ୟୁ ଘଟଣାରେ ପୂର୍ବରୁ ଜେନାପୁରର ଜୁର ବେହେରା , ଲୋକନାଥ ବେହେରା , ଲକ୍ଷ୍ମଣ ବେହେରା , ବାୟା ସେଠୀ ଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି।
Comments are closed.