ନୂଆଦିଲ୍ଲୀ: ଚିତା ପ୍ରୋଜେକ୍ଟକୁ ଖୁସି ଖବର ମିଳିଛି। ମଧ୍ୟପ୍ରଦେଶର କୁନୋ ଜାତୀୟ ପାର୍କରେ ଚିତା ଜ୍ବାଲା ୩ଟି ଛୁଆକୁ ଜନ୍ମ ଦେଇଛି। ଏ ନେଇ କେନ୍ଦ୍ର ଜଙ୍ଗଲ ପରିବେଶ ମନ୍ତ୍ରୀ ଭୂପିନ୍ଦର ଯାଦବ ସୂଚନା ଦେଇଛନ୍ତି। ଟ୍ବିଟ୍ କରି ଏହାର ଭିଡିଓ ବି ପୋଷ୍ଟ କରାଯାଇଛି। ଯେଉଁଥିରେ ୩ଟି ଚିତା ଶାବକ ମାଆ ଜ୍ବାଲା ପାଖରେ ଖେଳୁଥିବା ଦେଖିବାକୁ ମିଳିଛି। ଏହାର କିଛି ସପ୍ତାହ ପୂର୍ବରୁ ‘ଆଶା’ ନାମ୍ନୀ ଆଉ ଏକ ନାମିବୀୟ ଚିତା ମଧ୍ୟ ଶାବକ ଜନ୍ମ କରିଥିଲା। ଧୀରେ ଧୀରେ ନବଜାତକଙ୍କ ସଂଖ୍ୟା ବଢିଥିଲେ ବି ପ୍ରତିକୂଳ ପାଗ ହେଉ କିମ୍ବା ଅନ୍ୟାନ୍ୟ କାରଣରୁ ଏକାଧିକ ଚିତାଙ୍କ ମୃତ୍ୟୁ ଘଟିଥିଲା। ଜାନୁଆରୀ ୧୬ ତାରିଖରେ ଚିତା ସୌରୀୟର ମୃତ୍ୟୁ ହୋଇଥିଲା। ମୃତ୍ୟୁସଂଖ୍ୟା ୧୦ରେ ପହଞ୍ଚିଥିଲା।ଏବଂ ଏହାପରେ ଆଉ ୩ଟି ଚିତା ଛୁଆଙ୍କୁ ଜନ୍ମ ଖୁସି ଖବର ଆଣିଦେଇଛି। ତେବେ ୨୦୨୨ ସେପ୍ଟେମ୍ବର ୨୨ ତାରିଖରେ ଆଫ୍ରିକା ନାମିବ୍ୟାରୁ ୮ଟି ଚିତାକୁ ଭାରତକୁ ଅଣାଯାଇଥିଲା।
Comments are closed.