ଚୌଦ୍ୱାର: ଦିନ ଦ୍ୱିପ୍ରହରେ ସ୍ୱୟଂ ସହାୟକ ଗୋଷ୍ଠୀର ମହିଳାଙ୍କ ଠାରୁ ଦୁର୍ବୁତ୍ତମାନେ ନଗଦ ୮୩ ହଜାର ଟଙ୍କା ଲୁଟିନେଇଥିବା ଚୌଦ୍ୱାର ଥାନାରେ ଅଭିଯୋଗ ହୋଇଛି । ଟାଙ୍ଗୀ-ଚୌଦ୍ୱାର ବ୍ଲକ୍ ଇନ୍ଦ୍ରାଣୀପାଟଣା ପଞ୍ଚାୟତ ଚଷାପଡ଼ା ଗ୍ରାମର ବାଟମଙ୍ଗଳା ଶକ୍ତି ସ୍ୱୟଂ ସହାୟିକା ଗୋଷ୍ଠୀର ମହିଳା ମାନଙ୍କ ତରଫରୁ ଥାନାରେ ଦିଆ ଯାଇଥିବା ଲିଖିତ ଅଭିଯୋଗରୁ ପ୍ରକାଶଯେ ଗୋଷ୍ଠୀର ସଭାପତି ଓ ଅନ୍ୟ ମହିଳା ସଦସ୍ୟମାନେ ଗୁରୁବାର ଦିନ କଳିଙ୍ଗ ଛକସ୍ଥିତ ଇଣ୍ଡିଆନ୍ ବ୍ୟାଙ୍କରୁ ଗୋଷ୍ଠୀ ଋଣ ବାବଦକୁ ୭୫ ହଜାର ଟଙ୍କା ଉଠାଣ କରିଥିଲେ । ଟଙ୍କା ଉଠାଣ ପରେ ସଭାପତି ମୀନା ଗୋଚ୍ଛାୟତଙ୍କ ସମେତ ଅନ୍ୟ ଦୁଇଜଣ ମହିଳା ସଦସ୍ୟ ପରିବା କିଣିବାକୁ ନିକଟସ୍ଥ ଗାନ୍ଧିଛକ ପରିବା ମାର୍କେଟକୁ ଯାଉଥିବାବେଳେ ପରିବା ମାର୍କେଟ ପାଖରେ ଏକ ବାଇକରେ ହେଲମେଟ ପିନ୍ଧିଥିବା ଦୁଇଜଣ ଦୁର୍ବୁତ୍ତ ଆସି ଜୟନ୍ତୀ ସାହୁ ନାମ୍ନି ମହିଳା ସଦସ୍ୟଙ୍କୁ ଧକ୍କାମାରି ତଳେ ପକାଇ ଦେଇ ତାଙ୍କ ହାତରୁ ଟଙ୍କା ଥିବା ବ୍ୟାଗକୁ ଛଡ଼ାଇନେଇ ମଙ୍ଗୁଳି ଅଡ଼କୁ ପଳାଇ ଯାଇଥିଲେ ।ଉକ୍ତ ବ୍ୟାଗ୍ରେ ଋଣଟଙ୍କା ୭୫ ହଜାର ସହିତ ଜୟନ୍ତୀଙ୍କ ନିଜସ୍ୱ ୮ହଜାର ଟଙ୍କା, ଗୋଷ୍ଠୀ ବ୍ୟାଙ୍କ ପାସ୍ ବହି, ଅଧାରକାର୍ଡ଼ ଆଦି ଥିଲାବୋଲି ଅଭିଯୋଗପତ୍ରରେ ଦର୍ଶା ଯାଇଛି। ଅଭିଯୋଗ ପାଇଁ ଚୌଦ୍ୱାର ପୁଲିସ ଘଟଣାର ତଦନ୍ତ ଜାରି ରଖିଛି।
Popular Categories
Previous article
Next article