ଚନ୍ଦ୍ରଭାଗାରେ ନାଲି ପତାକା

କୋଣାର୍କ (ସମାଜ ଲାଇଭ୍‌ ବ୍ୟୁରୋ): ସମ୍ଭାବ୍ୟ ବାତ୍ୟା ‘ମନ୍ଥା’କୁ ନେଇ ଚନ୍ଦ୍ରଭାଗା ସମୁଦ୍ରକୂଳରେ ନାଲି ପତାକା ଲଗାଯାଇଛି। ସମୁଦ୍ର ଅଶାନ୍ତ ହୋଇଥିବାରୁ ଏବଂ ଉଚ୍ଚ ଜୁଆର କୂଳକୁ ମାଡ଼ି ଆସୁଥିବାରୁ ଏହାକୁ ଦୃଷ୍ଟିରେ ରଖି କୋଣାର୍କ ଏନଏସି ପକ୍ଷରୁ ଏଭଳି ସତର୍କତା ଅବଲମ୍ବନ କରାଯାଇଥିବା ଜଣେ ଅଧିକାରୀ କହିଛନ୍ତି। ସେହିପରି ଆଗାମୀ ତିନିଦିନ ପର୍ଯ୍ୟନ୍ତ କୌଣସି ହୋଟେଲ, ଲଜ୍‌ ଓ ଧର୍ମଶାଳାରେ ପର୍ଯ୍ୟଟକମାନେ ରହିପାରିବେ ନାହିଁ ବୋଲି ସୂଚନା ଦିଆଯାଇଛି। ଫଳରେ ମଙ୍ଗଳବାର କୋଣାର୍କ ଓ ଚନ୍ଦ୍ରଭାଗା ଏକ ପର୍ଯ୍ୟଟକ ଶୂନ୍ୟ ହୋଇପଡ଼ିଥିଲା।