ଖଡଗପୁର : ଲୋକସଭା ନିର୍ବାଚନ ଶେଷ ହେବାକୁ ଆଉ ଦୁଇଟି ପ୍ରର୍ଯ୍ୟାୟ ବାକି ଥିବାବେଳେ ରାଜନୀତି ସରଗରମ ହେବାରେ ଲାଗିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ରରେ ଶାସନ କରୁଥିବା ଏନଡିଏ ସରକାରକୁ କ୍ଷମତାଚ୍ୟୁତ କରିବା ପାଇଁ ଦେଶର ପ୍ରମୁଖ ବିରୋଧୀ ଦଳ ପୁଣି ଏକାଠି ହେବାନେଇ ପ୍ରୟାସ ଆରମ୍ଭ କରିଛନ୍ତି। ଏହି ବିରୋଧୀ ଦଳ ଗୁଡିକ ପକ୍ଷରୁ ମହାମେଣ୍ଟ ଗଠନ ନେଇ ଶୁକ୍ରବାର ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍. ଚନ୍ଦ୍ରବାବୁ ନାଇଡୁ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାକ୍ଷାତ କରି ଆଲୋଚନା କରିଛନ୍ତି। ଖଡଗପୁରରେ ଏହି ଆଲୋଚନା ହୋଇଥିବା ଜଣାପଡିଛି। ମମତା ବାନାର୍ଜୀ ଏବଂ ନାଇଡୁଙ୍କ ମଧ୍ୟରେ ଏହି ଆଲୋଚନା ପ୍ରାୟ ୧୫ମିନିଟ ପର୍ଯ୍ୟନ୍ତ ଚାଲିଥିଲା। ଏହି ଆଲୋଚନା କାଳରେ ମହାମେଣ୍ଟର ଭବିଷ୍ୟତ ଓ ମଙ୍ଗଳବାର ରାହୁଲ ଗାନ୍ଧୀଙ୍କ ସହ ଟିଡିପି ନେତାଙ୍କ ହୋଇଥିବା ସାକ୍ଷାତକାର ବିଷୟରେ ଚର୍ଚ୍ଚା ହୋଇଥିଲା। ତେବେ ମେ ୨୧ରେ ହେବାକୁ ଥିବା ମହାମେଣ୍ଟର ବୈଠକରେ ମମତା ବାନାର୍ଜୀ ଯୋଗଦେବା ନେଇ ଏବେ ମଧ୍ୟ ସଠିକ ସୂଚନା ମିଳିପାରିନାହିଁ। ଏହି ଆଲୋଚନା ପରେ ନାଇଡୁ ଖଡଗପୁରରେ ତୃଣମୂଳ କଂଗ୍ରେସର ଏକ ସଭାକୁ ମଧ୍ୟ ସମ୍ବୋଧିତ କରିଥିଲେ।
Popular Categories
Previous article
Next article