କେତୋଟି ଚଳଚ୍ଚିତ୍ରରେ ପୂର୍ବରୁ ଉଡ଼ନ୍ତା କାର ଚିତ୍ରାୟିତ କରାଯାଇଛି। ଭାବନା ରାଇଜରେ ଥିବା ଉଡ଼ନ୍ତା କାର୍ ଏବେ ବିଶ୍ବର ବିଭିନ୍ନ ପ୍ରାନ୍ତରେ ଉଡ଼ିବୁଲିବ। ଜେନିଭାରେ ଅନୁଷ୍ଠିତ ହୋଇଥିବା କାର୍ ପ୍ରଦର୍ଶନୀରେ ଉଡ଼ନ୍ତା କାର୍ ପ୍ରଦର୍ଶିତ ହୋଇଛି। ଡଚ୍ କମ୍ପାନୀ ‘ପାଲ-ବି ଇଣ୍ଟରନ୍ୟାସନାଲ’ ବିଶ୍ବସ୍ତରରେ ପ୍ରଥମ କରି ‘ଲିବର୍ଟି’ ଉଡ଼ନ୍ତା କାରର ପ୍ରଦର୍ଶନ କରିଛି। ଘଣ୍ଟା ପ୍ରତି ୧୭୦ କିମି ବେଗରେ ଏହି କାରଟି ଗତି କରିବ ବୋଲି କମ୍ପାନୀ ମୁଖ୍ୟ ପ୍ରକାଶ କରିଛନ୍ତି। ଲେଡ୍-ମୁକ୍ତ ଗ୍ୟାସରେ ଚାଳିତ ଏହି ଉଡ଼ନ୍ତା କାରର ମୂଲ୍ୟ ୪କୋଟି ଟଙ୍କା ରଖାଯାଇଛି। ଆସନ୍ତା ବର୍ଷ ଶେଷ ସୁଦ୍ଧା ଏହା ବିଶ୍ବ ବଜାରରେ ଉପଲବ୍ଧ ହେବ। ପ୍ରାରମ୍ଭିକ ପର୍ୟ୍ୟାୟରେ ଉଡ଼ନ୍ତା କାର୍ ଦୁବାଇ ଓ ଲଣ୍ଡନରେ ବିକ୍ରି ବ୍ୟବସ୍ଥା କରାଯିବ।
