ଆଜମଗଡ଼: ତ୍ରିପୁରା ବିଧାନସଭା ନିର୍ବାଚନରେ ବିଜେପିର ଐତିହାସିକ ବିଜୟ ପରେ ଲାଗିରହିଥିବା ମହାପୁରୁଷଙ୍କ ପ୍ରତିମୂର୍ତ୍ତି ଭଙ୍ଗା ଘଟଣା ଥମିବାର ନାଁ ଧରୁନି। ଉତ୍ତରପ୍ରଦେଶରେ ଗତ କିଛିଦିନ ମଧ୍ୟରେ ଏପରି ଘଟଣା ଘଟିଥିବାବେଳେ ପୁଣି ଏହାର ପୁନରାବୃତ୍ତି ଘଟିଛି। ଆଜମଗଡ଼ ଜିଲା କପ୍ତାନଗଞ୍ଜ ଥାନା ରାଜପଟ୍ଟୀ ଗାଁରେ ଥିବା ବାବା ସାହେବ ଭୀମରାଓ ଆମ୍ବେଦକରଙ୍କ ମୂର୍ତ୍ତି ଭଙ୍ଗା ଯାଇଛି। ଏହାକୁ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଉତ୍ତେଜନାମୂଳକ ପରିସ୍ଥିତି ନେଇ ସେଠାରେ ବ୍ୟାପକ ପୁଲିସ ମୁତୟନ ରହିଛନ୍ତି। ଏଥିପୂର୍ବରୁ ଉତ୍ତରାଖଣ୍ଡ ହରିଦ୍ୱାର ଜିଲାରେ ଆମ୍ବେଦକରଙ୍କ ପ୍ରତିମୂର୍ତ୍ତି ଭଙ୍ଗା ଯାଇଥିଲା। ତ୍ରିପୁରାରେ ଲେନିନଙ୍କ ପ୍ରତିମୂର୍ତ୍ତି ପରେ ତାମିଲନାଡୁ, କଲିକତାରେ ଶ୍ୟାମାପ୍ରସାଦ ମୁଖାର୍ଜୀ, କେରଳରେ ମହାତ୍ମାଗାନ୍ଧୀ ଓ ଉତ୍ତରପ୍ରଦେଶରେ ଆମ୍ବେଦକରଙ୍କ ମୂର୍ତ୍ତି ଭଙ୍ଗା ଘଟଣା ଘଟିଛି।
