ନୂଆଦିଲ୍ଲୀ : ଭାରତରେ ହେଉଥିବା ଅଟୋମୋବାଇଲ ରପ୍ତାନୀରେ ଚଳିତ ଆର୍ଥିକ ବର୍ଷରେ ପ୍ରଥମ ତ୍ରୈମାସିକରେ ବାର୍ଷିକ ଆଧାରରେ ୧୫.୫% ବୃଦ୍ଧି ହୋଇଛି । ଏସଆଇଏଏମର ସୂଚନା ଅନୁସାରେ ସମସ୍ତ ଭେରିଏଣ୍ଟର ଗାଡିର ରପ୍ତାନୀ ବଢିଛି । ଗତ ତ୍ରୈମାସିକରେ ସମୁଦାୟ ଗାଡି ସପ୍ଲାଇ ୧୧,୯୨,୫୭୭ ୟୁନିଟ୍ ଥିଲା ଯଦିଓ ଗତ ଆର୍ଥିକ ବର୍ଷର ସମାନ ଅବଧିରେ ଏହା ୧୦,୩୨,୪୪୯ ୟୁନିଟ୍ ଥିଲା ।
ଚଳିତ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ଭାରତରୁ ବିଦେଶୀ ବଜାରରେ ଯାତ୍ରୀବାହୀ ଗାଡିର ରପ୍ତାନୀ ୧୮୦,୪୮୩ ୟୁନିଟ୍ ଥିଲା ଯାହା ଗତ ବର୍ଷର ସମାନ ସମୟର ୧୫୨,୧୫୬ ୟୁନିଟ୍ ତୁଳନାରେ ୧୯ ପ୍ରତିଶତ ଅଧିକ ।
ମାରୁତି ସୁଜୁକି ଚଳିତ ବର୍ଷ ଏପ୍ରିଲରୁ ଜୁନ୍ ମଧ୍ୟରେ ବିଦେଶୀ ବଜାରରେ ୬୯,୯୬୨ ୟୁନିଟ୍ ରପ୍ତାନୀ କରିଛି । ପୂର୍ବ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ କାର୍ ନିର୍ମାତା ୬୨,୮୫୭ ୟୁନିଟ୍ ରପ୍ତାନୀ କରିଥିଲା । ଭାରତର ଦ୍ବିତୀୟ ସବୁଠାରୁ ବଡ ଯାତ୍ରୀବାହୀ ଗାଡି ନିର୍ମାତା କମ୍ପାନୀ ହ୍ୟୁଣ୍ଡାଇ ମୋଟର ଭାରତରେ ଗତ ୩ ମାସରେ ୪୨,୬୦୦ ୟୁନିଟ୍ ପଠାଇଛି । ପୂର୍ବରୁ ଏହା ୩୫,୧୦୦ ୟୁନିଟ୍ ଥିଲା । କହିରଖୁଛୁ ଭିନ୍ନ ଭିନ୍ନ ଶ୍ରେଣୀର ଗାଡି ରପ୍ତାନୀରେ ବୃଦ୍ଧି ସହିତ ଭାରତୀୟ ଅଟୋମୋବାଇଲ ଉଦ୍ୟେଗର ବିକାଶରେ ଏକ ସକାରାତ୍ମକ ଦିଗ ନଜର ଆସିଛି ।
ବାଣୀକ୍ଷେତ୍ରରେ ବାହୁଡ଼ାଯାତ୍ରା: ବାହୁଡ଼ିଲେ ମହାବାହୁ, ଛେରା ପହଁରା କଲେ କୁଳପତି ସବିତା ଆଚାର୍ଯ୍ୟ
Comments are closed.