ଗୁରୁଡିଝାଟିଆ: ରାଧାକିଶୋରପୁର ପଞ୍ଚାୟତରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଛି । ରକ୍ତଦାନ ଶିିବିରକୁ ପଞ୍ଚାୟତ ମୁରବୀ ତଥା ସମାଜଦେବୀ ଭାଗିରଥି କର ଆନୁଷ୍ଠାନିକ ଭାବେ ଉଦଘାଟନ କରି ରକ୍ତଦାନ ର ମହତ୍ୱ ସଂପର୍କରେ ଆଲୋକପାତ କରିବା ସହିତ ପ୍ରତ୍ୟେକ ରକ୍ତଦାତା ଅନ୍ୟମାନଙ୍କ ଜୀବନକୁ ମରଣ ମୁହଁରୁ ଉଦ୍ଧାର କରିଥାଏ ବୋଲି କହିଥିଲେ ।
ଏହି ଅବସରରେ ରକ୍ତଦାତାମାନଙ୍କୁ ସାଧୁବାଦ ଜଣାଇ ଉତ୍ସାହିତ କରିଥିଲେ । ଯୁବ ସମୃଦ୍ଧି ମଣ୍ଡଳ ରାଧାଦାମୋଦରପୁର ପକ୍ଷରୁ ଆୟୋଜିତ ଏହି ରକ୍ତଦାନ ଶିବିରରେ ୬୦ ୟୁନିଟ ରକ୍ତ ସଂଗୃହିତ ହୋଇଥିଲା । ରେଡକ୍ରସ ରକ୍ତଭଣ୍ଡାର ଡାକ୍ତର ବିନାୟକ ପୃଷ୍ଟି ଓ ତାଙ୍କର ସହଯୋଗୀ ରକ୍ତ ସଂଗୃହୀତ କରିଥିଲେ । ପଞ୍ଚାୟତ ସରପଞ୍ଚ ବିନୋଦ ମାଝି , ଯୁବ ସମୃଦ୍ଧି ମଣ୍ଡଳ ସଭାପତି ଆଶୁତୋଷ ପରିଡା, ସଂପାଦକ ସମୀର ପ୍ରଧାନ ଙ୍କ ସହିତ ଆଶୁତୋଷ କର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ ।
Comments are closed.