ସ୍କୁଟରକୁ ଧକ୍କା ଦେଲା କାର, ଜଣେ ଗୁରୁତର 

କଳାପଥର (ବାଙ୍କୀ ) : ବୈଦ୍ୟେଶ୍ୱର ଥାନା ଅନ୍ତର୍ଗତ କଳାପଥର -ବୈଦ୍ୟେଶ୍ୱର ରାସ୍ତାର ବଘେଇ ଛକଠାରେ ଆଜି ମଧ୍ୟାହ୍ନରେ ଗୋଟିଏ ସ୍କୁଟର ସହିତ କାର ମୁହାଁମୁହିଁ ଧକ୍କା ହୋଇଥିଲା । ସ୍କୁଟର ଚାଳକ କଳାପଥର ବଜାରରୁ ପନିପରିବା କିଣି ନିଜ ଗାଁ ଭାପୁର ବ୍ଲକ ଫତେଗଡ଼ ଥାନା ଅନ୍ତର୍ଗତ କରବର ଗ୍ରାମକୁ ଯାଉଥିଲେ । ବିପରୀତ ଦିଗ ବୈଦ୍ୟେଶ୍ୱର ପଟୁ ଆସୁଥିବା ଏକ କାରର ଡ୍ରାଇଭର ନିଶାଶକ୍ତ ହୋଇ ଗାଡି ଚଳାଇ  ସ୍କୁଟରକୁ ମୁହାଁମୁହିଁ ଧକ୍କା ଦେଇଥିଲା ।  ସ୍କୁଟର ଚାଳକଙ୍କୁ ଗୁରୁତର ଅବସ୍ଥାରେ ପ୍ରଥମେ କଳାପଥର ଡାକ୍ତରଖାନା ଓ ପରେ ଭୁବନେଶ୍ବର ଏମ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।

ପ୍ରକାଶ ଯେ ଗୁରୁବାର ମଧ୍ୟାହ୍ନରେ କରବର ଗ୍ରାମର ପ୍ରକାଶ ଚନ୍ଦ୍ର ସାହୁ ନିଜ ଗାଁକୁ ସ୍କୁଟରରେ ପରିବା ନେଇ ଯାଉଥିଲେ । ବିପରୀତ ଦିଗରୁ କଣ୍ଟିଲୋ ଅଞ୍ଚଳର କାର ଡ୍ରାଇଭର ବ୍ରଜ କିଶୋର ଦାସ କାର ନଂ OD  02AB 7757 ରେ ବଘେଇ ଛକଠାରେ ସ୍କୁଟର ଚାଳକଙ୍କୁ ଦ୍ରୁତ ଗତିରେ ଧକ୍କା ଦେଇଥିଲେ । ପ୍ରକାଶ ସାହୁଙ୍କ ଅବସ୍ଥା ଗୁରୁତର ଥିବାରୁ ତାଙ୍କର ଚିକିତ୍ସା ଚାଲିଛି । ବୈଦ୍ୟେଶ୍ୱର ଥାନା ଅଧିକାରୀ ପ୍ରିୟ ରଞ୍ଜନ ସେଠୀ ଘଟଣାର ତଦନ୍ତ କରୁଛନ୍ତି ।