ମାଲ୍ଲାପୁରମ୍ : ସନ୍ଦିଗ୍ଧ ଜମାତ-ଉଲ-ମୁଜାହିଦ୍ଦିନ ବାଲାଂଦେଶ (ଜେଏମ୍ବି) ଆତଙ୍କବାଦୀ ଅବଦୁଲ ମାତିନ୍କୁ କେରଳର ମାଲ୍ଲାପୁରମ୍ରୁ ଗିରଫ କରାଯାଇଛି। ପଶ୍ଚିମବଙ୍ଗ ପୁଲିସର ସ୍ବତନ୍ତ୍ର ଦଳ କେରଳ ପୁଲିସ ସହାୟତାରେ ତାକୁ ଗିରଫ କରିଛି। ଶନିବାର ତାକୁ ସ୍ଥାନୀୟ ଅଦାଲତରେ ହାଜର କରାଯାଇଛି। ଆସାମର ବାରପେଟା ଜିଲାଧିବାସୀ ମାତିନ ୨୦୧୪ ବର୍ଦ୍ଧମାନ ଜିଲାର ଖାଗରାଗଡ଼ ବିସ୍ଫୋରଣ ମାମଲାରେ ସମ୍ପୃକ୍ତ ଥିବା ପ୍ରକାଶ। ପଶ୍ଚିମବଙ୍ଗର ସିମୁଳିଆ ମଦ୍ରାସା ଓମୋକିମନଗର ମଦ୍ରାସାରେ ଆଲିମ ନେଉଥିବା ୧୫ ଆତଙ୍କବାଦୀଙ୍କ ମଧ୍ୟରୁ ସେ ଅନ୍ୟତମ। ନାସିରୁଦ୍ଦିନ ନାମକ ତାର ଜଣେ ସହଯୋଗୀ ପୂର୍ବରୁ ଗିରଫ ହୋଇଛି।
