ସମାଜ ଡିଜିଟାଲ ଡେସ୍କ: ୨୦୨୫-୨୬ ଆର୍ଥିକ ବର୍ଷ ପାଇଁ ରାଜ୍ୟ ବଜେଟ ସୋମବାର ଉପସ୍ଥାପିତ ହୋଇଛି। ବଜେଟର ଆକାର ୨ ଲକ୍ଷ ୯୦ ହଜାର କୋଟି ଟଙ୍କା ରହିଛି। ବଜେଟରେ ଦିଆଯାଇଥିବା ତଥ୍ୟ ଅନୁସାରେ, ରାଜ୍ୟର ଋଣ ଭାର ପରିମାଣ ୧ ଲକ୍ଷ ୩୪ ହଜାର ୯୧୪ କୋଟି ଟଙ୍କା ରହିଛି। ସେହିପରି କାର୍ଯ୍ୟକ୍ରମ ବ୍ୟୟ ପରିମାଣ ୧ ଲକ୍ଷ ୭୦ ହଜାର କୋଟି ଥିବାବେଳେ ପୁଞ୍ଜି ବିନିଯୋଗ ପରିମାଣ ୬୫ ହଜାର ୧୨ କୋଟି ରହିଛି। ସାମାଜିକ କ୍ଷେତ୍ର ଲାଗି ବ୍ୟୟ ପରିମାଣ ୧ ଲକ୍ଷ ୧୯ ହଜାର ୫୬୫ କୋଟି ଟଙ୍କା ଦର୍ଶାଯାଇଛି। ଉନ୍ନୟନମୂଳକ ବ୍ୟୟ ଲାଗି ୨ ଲକ୍ଷ ୧୧ ହଜାର ୨୧୨ କୋଟି ଟଙ୍କା ରଖାଯାଇଛି। ସେହିପରି ରାଜସ୍ବ ବଳକା ପରିମାଣ ୩୧ ହଜାର ୮୦୦ କୋଟି ଥିବାବେଳେ ବିତ୍ତୀୟ ନିଅଣ୍ଟ ପରିମାଣ ୩୪ ହଜାର ୨୦୦ କୋଟି ବୋଲି ଦର୍ଶାଯାଇଛି।
Comments are closed.