ବ୍ରହ୍ମପୁର : ନିର୍ଯାତନା ଦେଇ ଘରୁ ବାହାର କରି ଦିଆଯାଇଥିବା ଅଭିଯୋଗ ନେଇ ଦୁଇ ବୋହୂ ଆଜି ନିଜ ଶାଶୂ ଘର ସମ୍ମୁଖରେ ଧାରଣା ଦେଇଥିଲେ। ବଡବଜାର ଥାନା ଅନ୍ତର୍ଗତ ମାର୍ଥାପେଟା ସାହିରେ ଏଭଳି ଦୃଶ୍ୟ ସାମ୍ନାକୁ ଆସିଛି। ମହିଳା ଥାନା ପୁଲିସ ଉଭୟ ପକ୍ଷଙ୍କୁ ଡାକି ବୁଝାସୁଝା କରିଥିଲେ ମଧ୍ୟ କୌଣସି ନିଷ୍କର୍ସ ବାହାରି ପାରିନାହିଁ। ଆଙ୍କୁଶପୁର ଅଞ୍ଚଳର ଦୁଇ ଭଉଣୀ ମାର୍ଥାପେଟା ସାହିର ଦୁଇ ଭାଇଙ୍କୁ ୫ ବର୍ଷ ତଳେ ବିବାହ କରିଥିଲେ। ହେଲେ ବିଭିନ୍ନ କାରଣକୁ ନେଇ ଶାଶୂ ଘର ଲୋକେ ଦୁଇ ଭଉଣୀଙ୍କୁ ନିର୍ଯାତନା ଦେଉଥିବା ସେମାନେ ପୂର୍ବରୁ ମହିଳା ଥାନାରେ ଅଭିଯୋଗ କରିଥିଲେ। ପୁଲିସ ଦୁଇ ଭଉଣୀଙ୍କ ସମେତ ସ୍ବାମୀ ଓ ଶାଶୂ ଘର ଲୋକଙ୍କୁ ଡାକି ଆପୋଷ ସମାଧାନ ପାଇଁ ଚେଷ୍ଟା କରିଥିଲା। ହେଲେ ଆଜି ପୁଣି ଥରେ ଦୁଇ ଭଉଣୀ ଓ ସେମାନଙ୍କ ଛୁଆଙ୍କୁ ଶାଶୁ ଘର ଲୋକେ ଘରୁ ବାହାର କରି ଦେଇଥିବା ଅଭିଯୋଗ ହୋଇଛି। ଯାହାକୁ ନେଇ ଦୁଇ ଭଉଣୀ ନିଜ ଛୁଆଙ୍କୁ ଧରି ଘର ସମ୍ମୁଖରେ ଧାରଣାରେ ବସିଥିଲେ। ପୁଲିସ ପହଞ୍ଚି ଉଭୟ ପକ୍ଷଙ୍କୁ ଥାନାକୁ ନେଇ ବୁଝାସୁଝା କରିଥିଲା। ହେଲେ ପରେ ପୁଣି ଥରେ ଦୁଇ ଭଉଣୀ ଶାଶୂ ଘର ସମ୍ମୁଖରେ ଧାରଣା ଦେଇଥିଲେ।
Popular Categories
Previous article
Next article