ଘରୋଇ ମାଟିରେ ଦ୍ରୁତତମ ୧୦୦ ୱିକେଟ୍ ହାସଲ କରିବା କ୍ଷେତ୍ରରେ ପାକିସ୍ତାନର ମହାନ୍ ଦ୍ରୁତ ବୋଲର ୱକାର ୟୁନିସ୍ଙ୍କୁ ପଛରେ ପକାଇଛନ୍ତି ନ୍ୟୁଜିଲାଣ୍ଡର ଦ୍ରୁତ ବୋଲର ଟ୍ରେଣ୍ଟ ବୋଲ୍ଟ। ଭାରତ ବିପକ୍ଷ ୪ର୍ଥ ଦିନିକିଆେର ବୋଲ୍ଟ ଚମତ୍କାର ବୋଲିଂ କରି ୫ଟି ୱିକେଟ୍ ହାସଲ କରିଥିଲେ। ଏହି କ୍ରମରେ ସେ ୱକାରଙ୍କୁ ପଛରେ ପକାଇ ଦେବାକୁ ସକ୍ଷମ ହୋଇଥିଲେ। ସୂଚନାଥାଉକି ୱକାର ଘରୋଇ ମାଟିରେ ୫୩ଟି ଦିନିକିଆ ଖେଳି ୧୦୦ ୱିକେଟ୍ ହାସଲ କରିଥିବା ବେଳେ ବୋଲ୍ଟ ୪୯ଟି ମ୍ୟାଚ୍ ଖେଳି ୧୦୦ ୱିକେଟ୍ ହାସଲ କରିବାରେ ସକ୍ଷମ ହୋଇଛନ୍ତି। ଅଷ୍ଟ୍ରେଲିଆର ଦ୍ରୁତ ବୋଲର ଗ୍ଲେନ୍ ମ୍ୟାକ୍ଗ୍ରାଥ ଓ ବ୍ରେଟ୍ ଲି ଘରୋଇ ମାଟିରେ ୫୬ଟି ଲେଖାଏଁ ମ୍ୟାଚ୍ ଖେଳି ୧୦୦ଟି ୱିକେଟ୍ ହାସଲ କରିଥିବା ବେଳେ ଦକ୍ଷିଣ ଆଫ୍ରିକାର ସନ୍ ପୋଲକ୍ ଓ ଏନ୍ଟିନି ଯଥାକ୍ରମେ ୬୦ ଓ ୬୧ଟି ମ୍ୟାଚ୍ ଖେଳି ସମାନ ସଂଖ୍ୟକ ୱିକେଟ୍ ହାସଲ କରିଥିଲେ। ପାକିସ୍ତାନର ପୂର୍ବତନ ଦ୍ରୁତ ବୋଲର ୱାସିମ ଆକ୍ରାମ ଓ ଅଷ୍ଟ୍ରେଲିଆର ଲେଗ୍ ସ୍ପିନର ସେନ୍ ୱାର୍ଣ୍ଣ ଘରୋଇ ମାଟିରେ ୬୨ଟି ଲେଖାଏଁ ମ୍ୟାଚ୍ ଖେଳି ୧୦୦ ୱିକେଟ୍ ହାସଲ କରିଥିଲେ।
